Da dumi dumi: Kotu ta aika sammaci ga AGF da EFCC kan dukiyar Yari
Wata babbar kotun tarayya da ke zama a Abuja a ranar Litinin, 26 ga watan Agusta ta aika sammaci ga Atoji Janar na tarayya da hukumar yaki da cin hanci da rashawa (EFCC) akan su gurfana a gabanta a ranar Alhamis, akan lamarin da ya shafi kayayyaki da dukiyoyin tsohon gwamnan jihar Zamfara, Alhaji Abdulazeez Yari.
An bukaci su zo sannan su nuna dalilin da yasa ba za su janye daga daskarar da asusun bankinsa ko kwace kayayyakinsa ba a Najeiya har zuwa lokacin da za a saurar kararsa da yanke hukunci ba.
Justis Nkeonye Maha ya bayar da umurnin bayan sauraron korafe-korafen da ke cikin karar daga lauyan Yari, Mahmud Magaji (SAN).
An gabatar da karar mai lamba FHC/ABJ/CS/948/2019, domin nuni ga sashi na 46(1) da (3) na kundin tsarin mulkin 1999 da odar da ke tattare da hukunci na 3 da 4 na dokar yanci na 2009.
KU KARANTA KUMA: Mutane 4 ne suka Musulunta sanadiyyar fim dina na ahlul kitabi – Adam A. Zango
Justis Maha ya kuma yi umurni ga a aika takardar sammaci ga mutanen a cikin sa’o’i 48 sannan ya dage zaman zuwa ranar Alhamis na wannan mako.
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari, Tuntube mu a: labaranhausa@corp.legit.ng
Asali: Legit.ng
