Da dumi-dumi: Shugaba Buhari ya ziyarci sansanin Batsari a Katsina

Da dumi-dumi: Shugaba Buhari ya ziyarci sansanin Batsari a Katsina

Shugaban kasa Muhammadu Buhari a ranar Laraba, 14 ga watan Agusta, ya ziyarci karamar hukumar Batsari domin yin jaje ga yan gudun hijira a yankin.

Batsari na daya daga cikin kananan hukumomi takwas da suka fuskanci hare-haren yan bindiga da kuma garkuwa da mutane a jihar Katsina.

Gwamnan jihar Katsina, Aminu Bello Masari ne ya tarbi Shugaban kasar.

Gwamnan a ciki jawabinsa yace tura karin jami’an tsaro da kayayyaki da aka yi zuwa wannan yanki a kwanan nan ya taimaka matuka wajen rage yawan hare-hare.

Ya kuma yarda cewa har yanzu akwai lamarin hare-hare, garkuwa da mutane da kuma fashin shanu a yankin.

Ya kara da cewa gwamnatin jihar tare da taimakon sauran hukumomin tsaro tayi nasarar shawo kan wannan lamari ta hanyar tattaunawa da kuma shirinta na afuwa.

KU KARANTA KUMA: El-Zakzaky: Likitoci 186 daga kasashe 7 sun rubuta wa Buhari wasika (karanta)

A wani labarin kuma mun ji cewa wasu 'yan bindiga sun kashe dan shugaban mafarauta na Bunu, Caleb Oshe da dansa mai suna Sunday a garin Suku da ke karamar hukumar Kabba-Bunu na jihar Kogi.

Daily Trust ta ruwaito cewa wasu mutane dauke da bindigu sun kai hari gidan shugaban mafarautan wadda shine kuma shugaban 'yan kungiyar tsaro na sa kai a garin misalin karfe 3 na daren jiya Talata.

Daga bisani an gano cewa 'yan bindigan sun nemi a basu kudi sannan suka sace wasu kayayaki masu daraja.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Source: Legit.ng

Mailfire view pixel