'Yan bindiga cikin kayan jami'an 'yan sanda (SARS) sun budewa motar Dino Melaye wuta

'Yan bindiga cikin kayan jami'an 'yan sanda (SARS) sun budewa motar Dino Melaye wuta

- Wasu 'yan bindiga sanye da kakin 'yan sanda sun budewa ayarin motocin Sanata Dino Melaye wuta

- Labarin ya haifar da firgici a tsakanin al'ummar yankin da abin ya faru

- Wasu kangararrun matasa sun kone wasu ajuzuwan makaranta da Dino Melaye ya gina a wasu mazabu

Rahotanni dake iske mu a wannan lokaci, sun tabbatar da mana cewar wasu 'yan bindiga sanye da kakin jami'an 'yan sanda na SARS sun budewa tawagar Sanata Dino Melaye wuta a jihar Kogi.

Jaridar Tribune ta rawaito cewar lamarin ya faru ne a yankin Ayetero-Gbede dake karamar hukumar Ijumu inda Sanata Melaye ya je bude wasu aiyuka.

'Yan bindiga cikin kayan jami'an 'yan sanda (SARS) sun budewa motar Dino Melaye wuta
Dino Melaye

Jaridar ta bayyana cewar 'yan bindigar dake ciki wasu motoci 6 samfurin Hilux sun datse hanyar Dino Melaye daga garin Mopamuro zuwa Ayetoro kuma tawagar Sanatan na kawo kai suka bude mata wuta.

DUBA WANNAN: 2019:Tinubu na fuskantar matsin lamaba daga na hannunn damansa a kan goyon bayan takarar Buhari

Mai taimakawa Sanata Melaye a bangaren yada labarai, Gideon Ayodele, ya ce jami'an tsaro ne suka kaiwa Sanatan harin.

A kwanakin baya ne wasu matasa da ba a san ko su waye ba suka kone wasu ajuzuwan da Sanata Melaye ya gina a wata makarantar sakandire ta mata dake mazabar Sarkin Noma da Lokon Gama.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Online view pixel