Jerin Gwamnonin da za su bar kujerar su zuwa shekarar 2019

A Najeriya akwai Gwamnonin da zuwa ko kafin 2019 za su tattara su bar kujeran su dalilin kammala wa’adin su da su kayi na shekaru 8 a kan gadon mulki. Wannan karo mun kawo maku jerin wadannan Gwamnoni masu shirin barin gado.

1. Kashim Shettima

Gwamnan Borno Kashim Shettima wanda shi ne Shugaban Gwamnonin Arewa zai bar kujera a 2019 bayan yayi shekaru 8 yana kan kujerar Gwamna.

2. Ayo Fayose

Gwamna Ayo Fayose na Jihar Ekiti zai bar kujera a bana bayan a da can yayi mulki na shekaru 4 a lokacin tsohon Shugaban kasa Obasanjo kafin a tsige sa.

KU KARANTA: EFCC ta gano yadda jami’an Gwamnati ke satar dukiyar al’umma

3. Ibrahim Dankwambo

Gwamnan Gombe shi kadai ne wanda ya lashe zabe a karkashin PDP a Arewacin Najeriya kuma babu mamaki yayi harin takarar kujerar Shugaban kasa a 2019.

4. Abdulfatah Ahmed

Gwamna Abdulfatahi na Jihar Kwara zai kammala wa’adin sa ne a 2019. Tsohon Kwamishinan ya zama Gwamna ne bayan Bukola Saraki yayi shekaru 8.

5. Ibekunle Amosun

Gwamnan Jihar Ogun Amosun zai kammala wa’adin sa a 2019 bayan ya samu tazarce a zaben 2015 a karkashin Jam’iyyar APC.

6. Rauf Aregbesola

Gwamnan na Jihar Osun zai kammala wa’adin sa ne kafin zaben 2019 don kuwa ya hau Gwamna ne a 2010 kuma ya samu zarcewa a 2014.

7. Abiola Ajimobi

Abiola Ajimobi dai kamar ‘danuwan sa Gwamnan Jihar Ogun Amosun zai bar kujerar sa ne na Gwamnan Jihar Oyo a zaben 2019 tun da yayi shekaru 8.

8. Ibrahim Geidam

An rantsar da Gwamna Geidam na Jihar Yobe kusan sau 3 a tarihi bayan ya gaji marigayi tsohon Gwamna Mamman Ali zai kuma cika wa’adin sa a 2019.

9. Tanko Al-Makura

Gwamnan Nasarawa Al-Makura ya hau kujera ne a karkashin CPC a 2011 kafin ta koma APC. Shi ma wa’adin sa zai kare a shekarar 2019.

10. Rochas Okorocha

Gwamnan Imo kuma Shugaban Gwamnonin APC watau Okorocha zai bar gadon mulki a 2019 inda ya ke saran kakaba surukin sa a kujerar.

11. Abdulaziz Yari

Shugaban Gwamnonin Najeriya Yari zai cika shekarun sa 8 a kan mulki ne a 2019 bayan ya karbi kujerar daga hannun Mahmud Shinkafa a 2011.

Irin su Henry Dickson za su kai har 2020 a mulki da kuma Willie Obiano da su ka lashe zabe a bara za su cigaba da zama kan mulki har nan da shekaru 4 masu zuwa.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng