Labarai

‘Yan Matan Sojoji sun zama kwararrun matuka jirgin saman Najeriya

Laraba, Janairu 17, 2018 at 3:41 Yamma daga Muhammad Malumfashi 1 - tsawon mintuna

- Wasu ‘Yan mata sun zama matuka jirgin saman Najeriya

- Akwai wasu maza da su ka kammala karatun tukin jirgin

- Sojojin Kasar sun yi kwas din ne a Kasar Afrika- ta- Kudu

An kafa tarihi a kwanan nan inda wasu ‘Yan Mata su ka zama Sojojin saman Najeriya. ‘Yan Matan sun zama Sojojin saman Najeriyar ne bayan da aka yi masu wani horo na musamman a kasar waje.

‘Yan Matan Sojoji sun zama kwararrun matuka jirgin saman Najeriya — Wasu Mata sun zama Matuka jirgin saman Sojoji

Sojojin dai su ne OS Ijelu da GC Nwaogwgwu da wasu mazan Sojoji har 9. Wadannan Sojoji sun samu shiga matsayin Flying Officers. A wajen taron tsohon Shugaban Hafsun Sojin kasar yana cikin masu halarta.

KU KARANTA: An karrama Shugaban Hafsun Sojin kasan Najeriya

A makon nan wasu Sojojin saman Najeriya su ka kammala wani kwas da su kayi na shekara guda cur a kasar Afrika ta kudu. Jami’an Sojojin sun yi karatu ne a Makarantar koyon tukin jirgi na Westline Aviation.

Air Chief Marshal Paul Dike ya halarci taron yaya Sojojin da aka yi a ofsihin Sojojin saman Kasar. Yanzu haka za su zama matuka jiragen saman Najeriya a gidan Soji.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Asali: Legit.ng

Authors:

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng