A Karshe, An Fallasa 'Dabarar' da APC Ta Yi Buhari Ya Samu Nasara a Zaben 2015

• Chidi Odinkalu ya ce APC ta samu nasara a 2015 ta hanyar zanga-zanga, sai ga shi yanzu tana murkushe masu zanga zanga
• Tsohon shugaban hukumar NHRC ya ce zanga-zanga hakki ne na al’umma ba na gwamnati ba, amma APC ta take wannan hakkin
• Ya yi bayanin yadda APC ta hau mulki a wani taro na tunawa da 'Ranar Kare Hakkin Dan Adam' da Global Rights ta shirya

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Abuja - Chidi Odinkalu, tsohon shugaban hukumar kare hakkin dan Adam ta kasa (NHRC), ya ce APC mai mulki tana hana zanga-zanga, duk da cewa hakkin al'umma ce.

Odinkalu ya bayyana haka ne a wani taro da Global Rights, wata kungiya mai zaman kanta, ta shirya, mai taken “Zanga-zanga a Najeriya.”

Kara karanta wannan

A karo na 6, kotu ta sake ingiza keyar Mama 'Boko Haram' zuwa kurkuku

Taron ya gudana a shafin X na @Globalrightsng domin tunawa da ranar kare hakkin dan adam ta duniya.

'Najeriya na karkashin masu zanga zanga'

A yayin da ya ke tsokaci, tsohon shugaban hukumar NHRC ya yi ikirarin cewa APC ta yi amfani da zanga zanga ta samu nasara a zaben 2015.

Chidi Odinkalu ya ce:

“Zanga-zanga hakki ne na al’umma. A karkashin doka, ana sanar da gwamnati domin ta kare masu zanga-zangar da dukiyarsu.”

“A yanzu, Najeriya tana karkashin mulkin wadanda suka yi fice wajen yin zanga-zanga, daga shugaban kasa har zuwa wasu mukarraban gwamnatinsa.”

Yadda APC ta yi nasara a zaben 2015

Tsohon shugaban hukumar ta NHRC ya ci gaba da cewa:

“APC ta samu nasarar siyasa a 2015 ta hanyar zanga-zanga da ya hada jam'iyyar APC, don samun goyon bayan jama’a wajen karbe mulki.”

“Zanga-zanga a baya tana da tasiri kuma ana girmama ta sosai, duk da cewa akwai kalubale. Amma tun bayan hawa mulki, sun danne wannan hakki.”

Kara karanta wannan

Karfin Naira: Ƴan canji sun lissafa abubuwa 3 da suka jawo dalar Amurka ta karye

“Misali shi ne zanga zangar 'BringBackOurGirls' da suka jagoranta a baya, sun yi amfani da ita wajen samun soyayyar mutane, amma da suka hau mulki, suka rufe babin."

APC ta dauki matakin hana zanga zanga

A wani labarin, mun ruwaito cewa Abdullahi Umar Ganduje ya gana da shugabannin APC na jihohi domin duba hanyar dakile zanga zangar da shirya yi a Agusta.

Yayin da shugaban APC na kasa ya nuna damuwa kan zanga zangar adawa da gwamnatin Bola Tinubu, ya roki matasa a lokacin da su hakura da fitowa zanga zangar.

Muhammad Malumfashi, babban edita a sashen Hausa na Legit ya duba labarin.

Asali: Legit.ng