Siyasa

An Kammala Zaben Ondo, INEC Ta Fadi Wanda Ya Yi Nasara, an Jero Kuri'un APC, PDP

Lahadi, Nuwamba 17, 2024 at 2:32 Yamma daga Abdullahi Abubakar 2 - tsawon mintuna

Hukumar zabe ta INEC ta tabbatar da nasarar Gwamna Lucky Aiyedatiwa a matsayin wanda ya lashe zaben jihar Ondo
Farfesa Olayemi Akinwunmi, baturen zabe a jihar shi ya tabbatar da haka a yau Lahadi 17 ga watan Nuwambar 2024 da muke ciki
Gwamna Aiyedatiwa na APC ya samu kuri'u 366,781 yayin dan takarar PDP, Ajayi Agboola ya samu kuri'u 117,845 a zaben

Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!

Abdullahi Abubakar, Editan Legit Hausa ne ta bangaren siyasa, kasuwanci da al'amuran yau da kullum, ya na da gogewar aikin jarida sama da shekaru uku.

Jihar Ondo - Hukumar zabe ta INEC ta sanar da sakamakon zaben jihar Ondo da aka gudanar a ranar Asabar 16 ga watan Nuwambar 2024.

Hukumar INEC ta tabbatar da nasarar Gwamna Lucky Aiyedatiwa na jam'iyyar APC a matsayin wanda ya lashe zaben.

APC ta yi kaca-kaca da jam'iyyar PDP a zaben jihar Ondo — Hukumar INEC ta tabbatar da Gwamna Lucky Aiyedatiwa wanda ya yi nasara a zaben Ondo. Hoto: Hon. Lucky Aiyedatiwa.
Asali: Twitter

APC ta lashe kananan hukumomi 18 a Ondo

Kara karanta wannan

Zamfara: Tsohon kwamishina ya tsallake da aka sanar da zaben kananan hukumomi

TheCable ta ruwaito cewa INEC ta kammala tattara sakamakon zaben da aka yi a kananan hukumomi 18 da ke jihar.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Baturen zabe a jihar, Farfesa Olayemi Akinwunmi shi ya sanar da sakamakon zaben a yau Lahadi 17 ga watan Nuwambar 2024 a birnin Akure.

An fafata tsakanin jam'iyyu da dama inda APC ta yi nasara yayin da PDP ke biye mata a matsayi na biyu.

Jam'iyyar ZLP ta ba da mamaki a Ondo

Jam'iyyar ZLP ita ta kasance ta uku a zaben da aka gudanar wanda wasu mazauna Ondo suka ce ba a samu tashin hankali ba a zaben.

Gwamna Aiyedatiwa na jam'iyyar APC ya samu kuri'u 366,781 yayin da PDP mai adawa ta damu kuri'u 117,845, cewar Channels TV.

Jam'iyya mai adawa ta ZLP ta samu kuri'u 2,692 yayin da jam'iyyar LP ta bangaren Peter Obi ta tashi da kuri'u 1,162.

PDP ta zargi badakala a zaben Ondo

Kara karanta wannan

Ondo: Dan takarar PDP ya ga ta kansa, ya fadi kulle kullen da APC ta shirya

Tun farko, kun ji cewa jam'iyyar PDP ta fara korafi kan zaben da ake cigaba da tattarawa a jihar Ondo inda ta zargi hukumar INEC da rashin shiri.

Dan takarar PDP, Ajayi Agboola ya nuna damuwa kan yadda aka yi ta samun korafe-korafe a zaben da aka gudanar a jiya Asabar 16 ga watan Nuwambar 2024.

Wannan na zuwa ne yayin da Gwamna Lucky Aiyedatiwa na jam'iyyar APC ke kan gaba a zaben inda ya lashe kananan hukumomi 15 daga 18.

Asali: Legit.ng

Authors:

Abdullahi Abubakar (Hausa editor) Marubuci kuma kwararren ɗan jaridan da ya shafe shekaru 3 yana rubutu a fannin siyasa da harkokin yau da kullum. Ya kammala digirin farko a jami'ar Maiduguri. Ya samu horon aikin jarida a Reuters da AFP, ya sha halartar tarukan karawa juna sani game da bincike da adabi. Tuntube shi a abdullahi.abubakar@corp.legit.ng.

Tags:

APC Jihar Ondo Jam'iyyar PDP Lucky Aiyedatiwa Agboola Ajayi