Gwamna Adeleke Ya Gaza Yin Sallar Idi Sakamakon Wani Sanata Da Ya Tsare Masa Wuri

• An ruwaito cewa gwamnan jihar Osun, Ademola Adeleke ya bar filin Sallar Idi na Osogbo, a ranar Laraba, 28 ga watan Yuni cikin fushi
• Hakan dai ya biyo bayan tsare masa wuri da ya ke ganin wani tsohon sanata, Sanata Ajibola Basiru ya yi
• An bayyana cewa Gwamna Adeleke ya yi zamansa cikin motarsa a yayin da ake gudanar da sallar Idin

Osogbo, jihar Osun - Wani lamari mai ban mamaki, ya faru ranar Laraba, a filin sallar Idi da ke yankin Oke-Baale cikin garin Osogbo, babban birnin jihar Osun.

Gwamnan jihar ta Osun, Ademola Adeleke ne ya fusata sannan ya bar masallacin Idin sakamakon rashin tsara wurin da zai yi sallah da kyau.

Abinda ya hana Adeleke gudanar da sallar Idin

Tsohon mai magana da yawun Majalisar Dattawa, Sanata Ajibola Basiru ne ya zauna a wurin da ya kamata a ce gwamnan ya zauna.

Kara karanta wannan

An Zargi Tsohon Ministan Buhari Da Yin Barazana Ga Rayuwar Na Hannun Daman Atiku

Kamar yadda jaridar Vanguard ta ruwaito, wasu daga cikin mutanen da ke wurin sun yi wa Sanata Ajibola Basiru magana, inda suka shaida masa cewa ya zauna a inda gwamnan zai zauna.

Rahotan ya ce Sanata Basiru ya yi kokarin matsawa gaba, amma suka dage kan cewa dole ne Sanatan ya bar wa Gwamna Adeleke da mukarrabansa sahun gaba daya.

Lamarin ya yi kamari a yayin da wasu ‘yan tasha suka yi yunkurin tada hayaniya bayan da sanatan ya ki ya tashi daga sahun.

An yi kokarin kama sanatan

Gwamna Adeleke ya isa filin Idi a kan lokaci, sai dai ba samu damar ko fitowa daga motarsa zuwa wurin zama ba.

A dalilin lamarin da ya faru, Gwamna Adeleke ya gaza samun damar gudanar da sallar idin mai raka’a biyu.

Kara karanta wannan

Bola Tinubu Zai Dawo Najeriya Yau, Akwai Yiwuwar a Nada Ministoci Bayan Sallah

An bayyana cewa, yunkurin kama sanatan ya ci tura sabili da ya bar wurin ne tare da babban jagorannan, Cif Tunde Badmus bayan kammala sallar.

Zaku iya kallon bidiyon a kasa:

Gwamnan Bauchi ya jagoranci dubban Alhazai sallah a Harami

Legit.ng ta kawo muku wani rahoto a baya kan gwamnan jihar Bauchi, Bala Abdulkadir Mohammed da aka gano yana jan wata tawaga ta Alhazai sallah a Makkah.

Gwamnan ne da kansa ya dora bidiyon a shafinsa na Fesbuk, wanda mutane da dama suka tofa albarkacin bakunansu.

Asali: Legit.ng