Ministan Buhari Ya Faɗi Wanda Zai Iya Hana Rantsar da Tinubu a Watan Mayu
- Jigon jam'iyyar APC ya faɗi wanda ke da karfin ikon hana Bola Tinubu hawa kujerar shugaban ƙasa ranar 29 ga watan Mayu, 2023
- Yayin da ake tunkarar bikin miƙa mulki, Festus Keyamo, ya ce Allah ne kaɗai zai iya dakatar da rantsar da Tinubu
- Keyamo, ƙaramin ministan kwadugo da samar da ayyukan yi, ya ce jam'iyya mai mulki ba ta damu da yunkurin wasu yan adawa na hana bikin ba
Ƙaramain ministan kwadugo da samar da ayyukan yi, Festus Keyamo (SAN) ya bayyana wanda ke da ƙarfin ikon dakatar da bikin miƙa mulki ga shugaban ƙasa mai jiran gado, Bola Tinubu.
Keyamo ya ce Allah mai girma da buwaya ne kaɗai idan ya so zai dakatar da rantsar da Asiwaju Bola Ahmed Tinubu ranar 29 ga watan Mayu, 2023.
Asali: Facebook
Ministan ya aike da sako ga masu son dakatar da Tinubu
Keyamo, babban jigo a jam'iyyar All Progressive Congress watau APC, ya faɗi haka ne a wata sanarwa da ta shiga hannun Vanguard ranar Talata, 25 ga watan Afrilu, 2023.
Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!
Kakakin kwamitin kamfen Tinubu/Shettima wanda aka rushe kwanan nan, ya ce hankalin APC kwance ya ke game da rantsar da Bola Tinubu.
Keyamo ya ce:
"Me zai sa mu tsaya muna jin tsoro? Duk wani ɗan tsagin adawa da ke raye a yanzu, wanda ke ganin saboda wasu dalilan shari'a, ba za'a rantsar da Tinubu ba, lallai yana tunanin wawaye."
"Indai ba wani iko na Allah ba, wanda shi ne mai girma da buwaya, babu abinda zai hana rantsar da Asiwaju. Yan adawa na da zaɓi biyu, su maida hankali kan ƙarar da suka shigar ko su fara shirin tunkarar 2027."
Legit.ng Hausa ta rahoto muku cewa Tinubu ya dawo gida Najeriya bayan shafe kusan wata guda a turai, inda ya tafi hutawa bayan kammala hayaniyar babban zaɓe.
Tinubu Ya Sa Labule da Shugaban APC Na Kasa da Wasu Jiga-Jigai
A wani labarin kuma Zababben shugaban ƙasa, Bola Tinubu, ya sa labule da shugaban APC na ƙasa, Abdullahi Adamu
Taron wanda ya gudana a gidan da aka ware wa shugaban kasa mai jiran gado kuma a sirrance ya samu halartar manyan kusoshin jam'iyar APC.
Shugaban majalisar dattawa, Sanata Ahmad Lawan, da mataimakinsa na cikin waɗanda suka halarci ganawar a birnin tarayya Abuja.
Asali: Legit.ng
