Kwankwaso Ya Samu Nasara Ta Farko, Ya Lashe Akwatinsa, Atiku ya Tashi a Babu Ko 1

• Sanata Rabiu Musa Kwankwaso ya samu nasarar farko a zaben bana, ya lashe akwatin da ya kada kuri'a
• Kwankwaso ya lallasa abokan hamayyarsa da tazara mai fadi a rumfarsa ya gundumar Kwankwaso
• Har yanzu ana cigaba da tattaro sakamakon zaben kuri'an da aka kada a fadin tarayya

Dan takarar shugaban kasa na jam'iyyar New Nigerias Peoples Party NNPP, Injiniya Rabiu Musa Kwankwaso ya samu nasara a akwatin da ya kada kuri'a yau a Kwankwaso, karamar hukumar Madobi ta jihar Kano.

Kwankwaso ya kada kuri'arsa a rumfar zabe ta Tandu PU002, Ajiya, gundumar Kwankwaso, karamar hukumar Madobi ta jihar.

Kwankwaso ya kada kuri'arsa tun da safe kuma ya lallasa Bola Ahmed Tinubu na jam'iyyar APC, Atiku Abubakar na Jam'iyyar PDP da kuma Peter Obi na jam;iyyar LP.

Kara karanta wannan

Atiku Ya Ba Da Mamaki, Ya Lallasa Bola Tinubu a Akwatin Gidan Gwamnatin Kaduna

Wanda ya biyo masa shine Tinubu wanda ya samu kusan rabin kuri'un da Kwankwaso ya samu.

Atiku na PDP kuwa ko kuri'a 1 tak bai samu hakazalika Peter Obi .

Kalli sakamakon:

PU002, Tandu, Kwankwaso, Madobi LGA

APC: 112

PDP: 0

LP: 0

NNPP: 284

Atiku ga lallasa Tinubu a gidan gwamnatin Kaduna

A wani labarin kuwa, Mai neman zama shugaban kasa a inuwar PDP, Alhaji Atiku Abubakar, ya samu nasara kan abokin hamayyarsa na APC, Bola Tinubu, a ɗaya daga cikin rumfunan gidan gwamnatin Kaduna, PU 013.

APC - 40

LP - 48

PDP - 69

NNPP - 11

Asali: Legit.ng