Rikicin PDP Ya Kara Tsananta, 'Yan'Yan Jam'iyyar Sun Barke da Zanga-Zangar 'Ayu Must Go' a Katsina

Rikicin PDP Ya Kara Tsananta, 'Yan'Yan Jam'iyyar Sun Barke da Zanga-Zangar 'Ayu Must Go' a Katsina

  • Matasan PDP a jihar Katsina sun gudanar da zanga-zangar neman shugaban jam'iyyar na kasa, Iyorchia Ayu ya sauka
  • Gamayyar kungiyar ta ce ya zama dole Ayu ya cika alkawarinsa na cewa zai yi murabus idan dan arewa ya lashe tikitin jam'iyyar a zaben fidda gwani
  • Sun jadadda cewa PDP ba kamfani bane mai zaman kansa don haka dole a tabbatar da adalci ga kowa

Katsina - Gamayyar kungiyar matasan PDP a arewa a sun gudanar da zanga zanga a kofar shiga garin Katsina a ranar Lahadi, suna masu neman Shugaban jam’iyyar na kasa, Sanata Iyorchia Ayu ya sauka.

Fusatattun matasan, wadanda ke dauke da kwaleyen rubutu iri-iri, sun ce lallai sai an cire Ayu daga kujerar mulki kafin zaben 2023.

Kara karanta wannan

Atiku Ya Sake Shiga Tasku, Wasu 'Ya'Yan PDP Sun Sauya Sheka Zuwa APC Ana Tsaka da Rikici

Sun dauki kwalaye kamar su: 'Dole Ayu yayi murabus’, ‘PDP ba kamfanin mai zaman kansa bane’, Ka cika alkawarinka’, ‘matasan Arewa: mu masu son gaskiya da adalci ne.'

Iyorchia Ayu
Rikicin PDP Ya Kara Tsananta, 'Yan'Yan Jam'iyyar Sun Barke da Zanga-Zangar 'Ayu Must Go' a Katsina Hoto: punchng.com
Asali: UGC

Shugaban gamayyar kungiyar, Shehu Isa Dan’Inna, wanda yayi jawabi ga manema labarai a yayin zanga zangar ya ce dole shugaban jam’iyyar ta PDP na kasa yayi murabus sannan ya daina daukar kansa a matsayin Shugaban jam’iyyar don dakile rikicin da ya dabaibaye jam’iyyar.

DUBA: Bibiyemu a Instagram don samun labarai masu muhimmanci kai tsaye cikin manhajar

Ya ce ya kamata Ayu ya cika alkawarin da ya dauka cewa zai yi murabus da zaran an kammala zaben fidda gwanin jam’iyyar idan dan arewa ya zama tsayayyen dan takarar shugaban kasa na jam’iyyar, jaridar Thisday ta rahoto.

Dan’Inna ya ce:

“Muna kira ga shugaban jam’iyyar na kasa da ya cika alkawarinsa. Ayu ya bayyana cewa da zaran an kammala babban taron idan dan arewacin Najeriya ya zama mai rike da tutar PDP zai yi murabus.

Kara karanta wannan

2023: Atiku Ya Kara Shiga Tsaka Mai Wuya, Wasu 'Ya'yan PDP a Arewa Sun Koma Tsagin Wike

“Amma kimanin watanni shida kenan, Ayu bai bar sakatariyar ba, wannan ne dalilin da yasa muke kira ya Ayu a matsayin mai dattako da ya sauka sannan ya daina kiran kansa shugaban PDP na kasa.”

A cewarsa, idan har PDP na son yin nasara a zaben shugaban kasa a 2023, ya zama dole shugaban jam’iyyar na kasa yayi murabus daga kujerarsa kamar yadda yayi alkawari.

Ya yi kira ga kwamitin amintattu, kwamitin NWC da masu ruwa da tsaki a jam’iyyar suyi adalci don kai jam’iyyar ga nasara a 2023.

Rikicin PDP: "Dole Ayu Ya Yi Murabus" Karin Wasu Jiga-Jigai Sun Yaudari Atiku, Sun Koma Bayan Wike

A wani labari makamancin wannan, kungiyar masu ruwa da tsaki na PDP a kudu maso yamma sun ce shugaban jam’iyyar na kasa, Dr Iyorchia Ayu, zai zama jarumi idan yayi murabus da kansa don samun zaman lafiya da nasarar jam’iyyar a zabe.

Kara karanta wannan

Tinubu Ya Gana da Limaman Kiristoci, Yace Zabar Shettima ba Barazana bace Garesu

Kamfanin dillancin labaran Najeriya ta tuna cewa jam’iyyar PDP ta fada cikin rikici bayan Alhaji Atiku Abubakar ya zama dan takarar shugaban kasa na jam’iyyar a zaben 2023.

Wasu gwamnonin PDP da jiga-jigan jam’iyyar musamman daga yankin kudancin Najeriya sun ce lallai idan ana son yin adalci babu yadda za a yi yankin arewacin kasar ya rike tikitin shugaban kasa da kuma mukamin shugaban jam’iyya na kasa.

Asali: Legit.ng

Online view pixel