Jerin sunayen manyan jiga-jigan APC da suka koma PDP bayan Tinubu ya lashe tikitin shugaban kasa na jam'iyyar

A halin da ake ciki a yanzu, jam’iyyar All Progressives Congress (APC) na rasa karfinta a jihar Kebbi yayin da Peoples Democratic Party (PDP) ke kara karfi bayan wasu manyan jiga-jiganta guda takwas sun sauya sheka zuwa jam’iyyar adawar kasar.

Wani rahoton jaridar Punch ya bayyana cewa manyan jiga-jigan na APC a Kebbi sun sauya sheka ne bayan korafe-korafen cewa an yi kutse a tarukan jam’iyyar da aka gudanar a jihar.

Wadanda suka sauya shekar sune yan majalisa a majalisar dattawa, majalisar wakilai da majalisar dokokin jiha.

Masu sauya shekar sune:

Majalisar dattawa

1. Sanata Adamu Aliero (Kebbi ta tsakiya)
2. Sanata Yahaya Abdullahi (Kebbi ta arewa)

Majalisar wakilai

1. Honourable Mohammed Umar Jega (mai wakiltan mazabar Aliero/Jega/Gwandu a majalisar tarayya)
2. Honourable Abdullahi Zumbo (mai wakiltan Dandi/Arewa a majalisar tarayya)

Kara karanta wannan

Jerin sunayen tsoffin masu takara da Tinubu ya ziyarta tun bayan da ya mallaki tutar APC

Majalisar dokokin jiha

1. Habibu Labbo (mai wakiltan mazabar Gwandu)
2. Ismaila Biu (mai wakiltan mazabar Arewa)
3. Mohammed Aliero (mai wakiltan mazabar Aliero)

2023: Hadimin Ganduje Ya Bayyana Dalilan da Suka sa Ya Dace Ya Zama Mataimakin Tinubu

A gefe guda, ana tsaka da neman ganin waye dai zama mataimakin Asiwaju Bola Ahmed Tinubu, mai rike da tutar takarar shugaban kasa a jam'iyyar APC, mai bada shawara ta musamman ga Abdullahi Umar Ganduje a kafafan sada zumunci, Shehu Isa ya bayyana dalilan da yasa ya ke ganin ya kamata jam'iyyar da Tinubu su dauki Ganduje a matsayin abokin tafiyarsa a zaben 2023.

Isa wanda ke kokarin ganin ya gamsar da cewa bai saba doka ba tikitin Musulmi da Musulmi, inda ya ce Ganduje ne yafi cancantar rike tutar takarar shugaban kasa a jam'iyyar baya ga Tinubu.

Asali: Legit.ng