Bayan Shekaru 15 da Tarewa a Dubai, Budurwa ta Dawo Najeriya Neman Miji

• Wata mata ta taso takanas zuwa Najeriya don neman mashinshini bayan shekaru da tarewa a Daular larabawa na birnin Dubai
• Matar ta wallafa wani bidiyo wanda ke nuna dawowarta kasar yammacin Afirka, inda ta bayyana dawowarta hannu ba komai
• Kamar yadda ta ce, ta dauki tsawon lokaci tana biyan uwar dakinta na tsawon shekarun da ta zauna a Dubai sannan ta dawo cikin koshin lafiya

Bayan kwashe shekaru 15 tana rayuwa a Dubai tare da biyan uwar dakinta kudi, wata budurwa ta dawo Najeriya.

Budurwar a TikTok ta sanar da dawowarta Najeriya ta hanyar yin wani bidiyo dake nuna lokacin da ta isa filin jirgin sama.

Yayin bayyana yadda ta dawo hannu rabbana, budurwar ta ce ta dawo cikin koshin lafiya. Wacce ta dawon daga UAE ta bayyana yadda take neman miji nagari ido rufe a Najeriya.

Kara karanta wannan

Bidiyon Yadda Ta Kwashe Tsakanin Soja da Wata Budurwa Bayan Ta Zage Ta Gudu, Ya Kamo Ta

Bidiyonta yayi yawo a dandalin sada zumuntar tare da jawo cece-kuce yayin da mutane da dama suka mata fatan alheri.

Ga bidiyon a kasa:

Martanin 'yan soshiyal midiya

amejumatimeyin ta ce:

"Yar uwata babu miji a Najeriya, ki yi kokarin komawa Dubai ko ki na so ki yi biyu babu ne."

Lord lethal ya ce:

"Wasa ake gara ma ki koma ko kuma ki yi shekaru 30 ba miji sai dai gantali."

user762725512514 ya ce:

"Kada ki yanke tsammani... muna da mazan kwarai a Najeriya kuma za ki hadu da shi."

Frank peter ya ce:

"Kin je kin gama yawon ta zubar ne yanzu za ki nemi mijin da zai aje ki a gida? wasa kike."

simon_Ezoba ya ce:

"Ki yi imani da za ki samu miji nagari saboda babu wanda ya san gobe."

Kara karanta wannan

Ka latsa ni: Kyakkyawar budurwa ta tari wani dan Najeriya, ta nemi su fara soyayya

Micoolj ya ce:

"Shekaru 15!!! Uwar dakin ki na da wayau fa. Ina miki fatan alheri a neman abokin rayuwar da ki ke."

Brooklyn ya ce:

"Tambayata ita ce me yasa za ki tsaya a wani wuri tsawon lokacin nan amma ba ki da wani abu da za ki nuna."

Fasnjoji sun ragargaza bas bayan mai mota ya tsere da kudinsu

A wani labari na daban, wasu fasinjoji sun bada mamaki bayan sun babballe motar wani direba a Legas.

An gano cewa yayi sama da fadi da makuden kudadensu da suka tara masa matsayin na mota.

Asali: Legit.ng