Abin da Ya Faru bayan Jami'an Tsaro Sun Kama Ɗan Bello a Filin Jirgi a Kano

• A ɗazu ne aka samu labarin cewa wasu jami'an tsaro sun damƙe Bello Habib Galadanci wanda aka fi sani da Ɗan Bello a Kano
• Sai dai jim kaɗan bayan haka, jami'an tsaro waɗanda ake zaton daga Abuja aka turo su, sun saki Ɗan Bello ba tare da ɓata lokaci ba
• Ɗan Bello dai ya yi ƙaurin suna a Najeriya musamman a Arewa saboda yadda yake bankaɗo almundahanar ƴan siyasa

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Kano - Rahotanni daga filin sauka da tashin jiragen sama na Malam Aminu Kano sun nuna cewa jami'an tsaro sun cafke fitaccen ɗan gwagwarmayar nan, Ɗan Bello.

Dr. Bello Habib Galadanci wanda aka fi sani da Ɗan Bello, wanda ya yi kauren suna wajen tona badaƙalar ƴan siyasa ya shiga hannu a yau Asabar, 12 ga watan Yuli, a Kano.

Kara karanta wannan

'A shirye na taho daman': Ɗan Bello ya faɗi abin da ya faru bayan cafke shi a Kano

A wani rahoto da DW Hausa ta wallafa a Facebook, ya ce ana zargin jami'an tsaron da suka kama Ɗan Bello daga Abuja suka zo musamman domin damƙe shi.

Jami'an taaro sun saki Ɗan Bello

Jim kaɗan bayan kama shi, Leadership ta tattaro cewa jami'an tsaron sun saki Ɗan Bello ba tare da ɓata lokaci ba.

Har kawo yanzu da muke haɗa wannan rahoto, babu wani bayani kan dalilin kama Ɗan Bello da kuma sakinsa cikin ɗan ƙanƙanin lokaci.

Ku daurari ƙarin bayani....

Asali: Legit.ng