Mummunar Gobara Ta Tashi a Fitacciyar Kasuwa, an Samu Asarar Dukiya Mai Yawa

• Mutane da dama sun shiga halin jimami bayan mummunar gobara ta jawo musu asarar dukiya mai yawa a jihar Sokoto da ke yankin Arewa maso Gabas
• Mummunar gobarar wacce ta tashi a fitacciyar kasuwar Kara da ke Sokoto ta lalata shaguna masu yawa da jawo asarar dukiyar miliyoyin naira
• Jami'an hukumomin ba da agaji na SEMA da NEMA sun ziyarci kasuwar tare da ba da tabbacin tallafi ga mutanen da gobarar ta jawo musu asara

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

Jihar Sokoto - An samu tashin wata mummunar gobara a fitacciyar kasuwar hatsi ta Kara da ke jihar Sokoto.

Gobarar wacce ta tashi da safiyar ranar Asabar, 4 ga watan Janairun 2024 ta yi ɓarna inda ta lalata hatsi da kadarori na miliyoyin naira.

Gobara ta yi ɓarna a fitacciyar kasuwa a Sokoto

Kara karanta wannan

Ta ku ta kare: Sojoji sun shirya tsaf za su ga karshen 'yan ta'addan Najeriya a 2025

Jaridar The Punch ta rahoto cewa gobarar wacce ta auku a kasuwar, ta lalata sama da shagunan niƙa 50.

Gobarar ta kuma shafi gidajen mutane da dama da suke makwabtaka da fitacciyar kasuwar, rahoton jaridar The Nation ya tabbatar.

Duk da cewa har yanzu ba a san musabbabin tashin gobarar ba, lamarin ya janyo asarar dukiya ga waɗanda abin ya shafa, inda aka ƙiyasta asarar za ta haura Naira miliyan 50.

Gobarar ta lalata kayayyakin abinci da suka haɗa da shinkafa, gero, wake, da kuma buhunan wasu kayayyaki da aka ajiye domin kasuwanci.

Ƴan kasuwa sun yi asara

Daga cikin mutanen da gobarar ta shafa har da Glory Matthew Abba, wata mai shagon da ta yi asarar injin niƙa, wanda kuɗinsa ya kai Naira miliyan 1.8.

Wani da lamarin ya shafa, Aliyu Achida, ya yi asarar gidansa da kayan amfanin gona da suka haɗa da shinkafa, gero, da wake, inda ya yi asarar kusan Naira miliyan uku.

Kara karanta wannan

Ajali ya yi: Sarki a Najeriya ya gamu mummunan hatsari, Allah ya yi masa rasuwa

Jami'ai sun je gani da ido

Jami'an hukumar bayar da agajin gaggawa ta jihar Sokoto (SEMA) da hukumar bayar da agajin gaggawa ta ƙasa (NEMA) sun je kasuwar domin gani da ido kan irin ɓarnar da gobarar ta yi.

Jami’an hukumomin sun ziyarci wuraren da suka lalace a kasuwar Kara, domin tantance halin da ake ciki tare da jaddada aniyarsu ta bayar da tallafi ga mutanen da gobarar ta shafa.

Daraktan ba da agaji na hukumar SEMA, Mustapha Umar, ya ce ana gudanar da bincike kan tashin gobarar.

"Ana ci gaba da gudanar da bincike kan musabbabin gobarar, kuma hukumomi na kira ga jama’a da su sanya ido tare da kai rahoton duk wata alamar gobara a kusa da su."

- Mustapha Umar

Gobara ta lalata shaguna masu yawa

A wani labarin kuma, kun ji cewa an samu tashin wata mummunar gobsrana ɗaya daga cikin manyan kasuwannin da ake ji da su a jihar Nasarawa da ke yankin Arewa ta Tsakiya na Najeriya.

Kara karanta wannan

Peter Obi ya ziyarci IBB, ya bayyana abubuwan da suka tattauna a kan Najeriya

Mummunar gobarar wacce ta tashi a fitacciyar kasuwar Masaka da ke ƙaramar hukumar Kauru ta jihar, ta jawo asarar dukiya mai tarin yawa.

Gobarar ta ƙona shaguna masu tarin yawa tare da lalata dukiya ta miliyoyin naira.

Asali: Legit.ng