Sarki Sanusi II Ya Samu Goyon Baya kan Naɗin Hakimin Bichi duk da Abin da Ya Faru

• Majalisar masarautar Bichi ta kai ziyarar nuna goyon baya da mubaya'a ga mai martaba sarkin Kano na 16, Muhammadu Sanusi II
• Wakilan masarautar Biichi sun jaddada cewa suna tare da matakin Sanusi II na naɗa masu sabon hakimi watau Munir Sanusi
• Sarkin ya gode masu bisa goyon bayan da suka nuna masa, sannan ya ba su tabbacin cewa zai sake sa ranar rakiyar hakimin

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Kano - Masarautar Bichi ta jaddada mubaya'a da kuma amincewa da naɗin sabon hakimin da mai martaba sarkin Kano na 16, Muhammadu Sanusi II ya yi.

Idan baku manta ba Sarki Sanusi II ya naɗa Munir Sanusi Bayero a matsayin hakimin Bichi.

Tribune Nigeria ta tattaro cewa a yau Laraba wakilan masarautar Bichi suka kai wa Sarki Sanusi ziyara domin jaddada mubaya'arsu a fadarsa da ke Kano.

Kara karanta wannan

A karshe, Sarkin Kano ya yi magana kan mamaye fadarsa da jami'an tsaro suka yi

Masarautar Bichi ta kai ziyara fadar sarki

Shugaban karamar hukumar Bichi, Hamza Sule Maifata, babban limami, Mallam Lawan Abubakar da dattawa na cikin tawagar masarautar Bichi da ta kai ziyara ga sarki.

Majalisar Masarautar Bichi ta jaddada biyayyarta ga Sarki Muhammadu Sanusi II, inda ta nuna cewa tana tare da mai martaba kan naɗin sabon hakimi.

Sanusi ya godewa masarautar Bichi

Da yake jawabi yayin ziyarar, Sanusi II ya gode wa majalisar bisa goyon bayan da suka ba shi, ya kuma ba su tabbacin cewa za a gudanar da nadin sabon hakimin lami lafiya.

Sarkin ya kara nanata muhimmancin zaman lafiya da yawaita addu'o'i a kowane hali mutane suka tsinci kansu a ciki.

Wannan dai na zuwa ne bayan matakin da jami'an ƴan sanda da DSS suka ɗauka na hana sarkin raka hakimin zuwa ƙasarsa a makon jiya.

Muhammadu Sanusi II ya shaidawa wakilan masarautar Bichi cewa zai sake sa rana nan gaba domin kawo masu sabon hakimin, kamar yadda Punch ta kawo.

Kara karanta wannan

"Za ku iya rasa rawaninku," Sarki Sanusi II ya fadi abin da ke barazana ga sarakai a Kano

Meyasa jami'an tsaro suka kewaye fadar Sanusi?

Rahoto ya gabata cewa Sarkin Kano na 16, Muhammadu Sanusi II, ya yi magana kan abin da ya faru a fadarsa da ke Ƙofar Kudu a makon jiya.

Sanusi II ya ce har yanzu masarautar Kano ba ta da masaniya kan dalilan da suka sanya jami’an tsaro suka mamaye fadar ranar Juma'a

Asali: Legit.ng