Kotun Kolin Najeriya Ta Soke Dokar Caca da Majalisar Tarayya Ta Amince da Ita
- Kotun koli ta soke amfani da dokar caca ta ƙasa 2005 a dukkan jihohi 36 na Najeriya ban da birnin tarayya Abuja
- Kwamitin alkalai bakwai ƙarƙashin jagorancin Mai shari'a Muhammed Idris ne ya yanke wannan hukuncin ranar Juma'a, 22 ga watan Nuwamba
- Kotun ta bayyana cewa majalisar tarayya ba ta da hurumin yin doka kan abin da ya shafi caca da wasannin sa'a
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
FCT Abuja - Kotun kolin Najeriya ta soke dokar caca ta kasa ta 2005 da majalisar dokokin kasar ta kafa.
Kwamitin alkalai bakwai na kotun mai daraja ta ɗaya a Najeriya ne suka yanke wannan hukunci da murya ɗaya yau Juma'a, 22 ga watan Nuwamba, 2024.
Asali: Twitter
Kotun koli ta ce majalisar ba ta da hurumi
Kotun ta yanke cewa majalisar dokokin kasar ba ta da hurumin yin doka a kan batutuwan da suka shafi caca da wasannin sa'a, kamar yadda The Nation ta rahoto.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ta ce majalisun dokokin jihohi ne kaɗai ke da ikon kafa irin waɗannan dokokin da suka shafi caca a yankunan, amma ba a majalisar tarayya ba.
Kotu ta hana amfani da dokar a jihohi
A hukuncin da ya karanto a harabar kotun ƙoli, Mai Shari'a Mohammed Idris, ya ba da umarni daina amfani da dokar caca a faɗin jihohi 36 a Najeriya.
Ya ce dokar za ta cu gaba aiki ne a babbar birnin tarayya Abuja kaɗai saboda nan ne majalisar dokoki ta ƙasa ke da ikon kafa doka.
Kotun ƙoli ta yanke hukuncin ne a kan karar da jihar Legas da wasu jihohi suka shigar a shekarar 2008, kamar yadda Vanguard ta ruwaito.
Kotun koli ta kori karar rusa hukumar EFCC
Kun ji cewa kotun koli ta raba gardama kan takaddamar da ake ta yi kan halascin dokar da ta kafa hukumar yaƙi da cin hanci da rashawa watau EFCC.
Tun farko wasu jihohi sun tunkari kotun, inda suka nemi ta rusa hukumar gaba ɗaya saboda ta saɓawa kundin tsarin mulkin Najeriya.
Asali: Legit.ng
