Gwamna a Arewa Ya Kinkimo Aikin da Zai Laƙume Naira Biliyan 20

• Gwamnatin Katsina karkashin jagorancin Gwamna Dikko Radda ta ware N20bn domin gudanar da aikin samar da ruwa a faɗin jihar
• Kwamishinan albarkatun ruwa, Dr. Bashir Gambo Saulawa ya ce aikin zai gudana ne karkashin shirin SURWASH na bankin duniya
• A cewar gwamnatin Radda, za a fara aikin ne a yankunan ƙananan hukumomi 10 sannan a faɗaɗa shi zuwa wasu garuruwa a 2025

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Katsina - Gwamnatin jihar Katsina ƙarƙashin Gwamna Dikko Raɗɗa ta ware Naira Biliyan 20 domin gudanar da aikin samar da tsaftataccen ruwa.

Wannan aiki da gwamnatin Radda ta kinkimo wani bangare ne na shirin samar da ruwan sha da tsaftar muhalli a Nijeriya (SURWASH) da bankin duniya ke tallafawa.

Jaridar Leadership ta ruwaito cewa shirin ya ƙunshi fadada hanyoyin samar da ruwa mai tsafta ga al'umma da tabbatar da tsaftar muhalli a fadin jihar Katsina.

Kara karanta wannan

Zaben Ondo: Gwamna Aiyedatiwa ya ayyana ranar hutu

Kwamishinan albarkatun ruwa, Dr Bashir Gambo Saulawa, ya tabbatar da yunƙurin gwamnatin Katsina na fitar da waɗannan kuɗi domin aikin ruwa.

Gwamna Dikko Raɗɗa ya fitar da N5bn

Da yake zantawa da manema labarai, Dr. Bashir Saulawa ya ce tuni gwamna ya amince da fitar da Naira biliyan 5 domin fara aikin gadan-gadan.

"Tsarin aikin zai fara ne daga kananan hukumomi 10 a shekarar 2024, sannan za a faɗaɗa shi zuwa wasu yankunan a 2025," in ji shi.

Abin da aikin ruwan Katsina ya ƙunsa

Babban daraktan hukumar samar da ruwan sha da tsaftar muhalli ta jihar Katsina (RUWASSA), Suleiman Abukur, ya bayyana takamaiman manufofin aikin.

Ya ce za a fara aikin da garuruwa 110 na kananam hukumomi takwas da suka haɗa da Charanchi, Batagarawa, Baure, Daura, Funtua, Malumfashi, Kafur da Kankara.

"Muna shirin tona rijiyoyin burtsatse masu amfani da hasken rana 40 a a kauyuka 40 tare da gyara wasu rijiyoyin burtsatse a wasu garuruwa 50," in ji shi.

Kara karanta wannan

Gwamna ya kori hadimai da shugabannin hukumomi, ya umarci kowa ya bar ofis

Gwamnan Katsina ya fara gyaran asibitoci

Ku na da labarin gwamna Dikko Radda ya kara ba da umarnin sabunta ƙananun asibitoci 34 tare ɗaga darajarsu a faɗin jihar Katsina.

Wannan na zuwa ne a lokacin da aikin gyaran asibitocin gwamnati sama da 100 ya yi nisa a faɗin ƙananan hukumomi 34 da ke jihar.

Muhammad Malumfashi, babban edita a sashen Hausa na Legit ya duba labarin.

Asali: Legit.ng