Tinubu zai Gabatar da Bukatu 2 a Taron Kasashen Musulunci da Larabawa a Saudiyya

• Shugaban Najeriya, Bola Ahmed Tinubu zai mika wasu manyan bukatu a taron kasashen Larabawa da Musulmi a Saudiyya
• Daga cikin bukatun da ake sa ran Bola Tinubu zai gabatar akwai dakatar da yakin da Isra'ila ke kai wa kan Falasdinawa
• Tinubu ya sauka a birnin Riyadh da ke Saudiyya domin halartar babban taron da za a gudanar da tsawon kwanaki biyu

A'isha Ahmad edita ce a sashen Hausa na Legit. Tana da ƙwarewa wajen rubutun labarai da rahotanni tsawon shekaru uku. Ta kware a kawo rahotannin, al'amuran da su ka shafi mata da yara da siyasa.

Saudi Arabia – Shugaban kasa Bola Ahmed Tinubu ya sauka a birnin Riyadh da ke Saudiyya domin halartar taron Larabawa da kasashen Musulunci inda zai mika bukatu kan yakin Isra'ila.

An gano wasu daga cikin bukatun da shugaba Tinubu zai gabatar a gaban taron bayan an fara za su danganci yakin da aka shafe sama da shekara ana yi tsakanin Isra'ila da Falasdinawa.

Kara karanta wannan

Tsadar rayuwa: Tinubu ya karfafi yan Najeriya, ya yi kyakkyawan albishir

Jaridar Daily Trust ta wallafa cewa Yarima Mohammed AbdulRahman ne ya tarbi Bola Ahmed Tinubu a ranar Lahadi a filin jirgin Sarki AbdulAziz.

Bukatun da Tinubu zai gabatar a Saudiyya

Voice of Nigeria ta tattaro cewa shugaban Najeriya, Bola Ahmed Tinubu zai bukaci tsagaita wuta a yakin da Isra’ila ke kai wa kan Falasdinawa.

Haka kuma ana sa ran shugaban zai nemi a samar da tsarin kasa biyu a Falasdinu yayin da Isra'ila ke kokarin fitar da mazauna Gaza da wasu sassan daga muhallansu.

Abin da za a tattauna a kasar Saudiyya

Taron kasashen Larabawa da na musulunci da ke gudana a Saudiyya ya na mayar da hankali a kan yakin da Isra’ila ta kaddamar a kan Falasdinawa.

Dakarun Isra’ila na IDF sun kashe Falasdinawa akalla 43,391 tun bayan fara yakin a shekarar 2023 zuwa yanzu, daga cikinsu akwai kananan yara da mata.

Shugaba Tinubu ya sauka a Saudiyya

Kara karanta wannan

Tinubu ya fusata kan wasu kalaman Atiku, ya yi zazzafan martani

A baya mun ruwaito cewa shugaban kasa, Bola Ahmed Tinubu ya sauka a filin jirgin Yarima Mohammed AbdulRahman da ke Saudiyya domin halartar kasashen Larabawa da na Musulunci.

Za a gudanar da taron na kwanaki biyu inda ake hasashen za a tattauna manyan batutuwa da su ka hada da kasuwanci, yaki da ta'addanci da ci gaban ababen more rayuwa tsakanin kasashen.

Muhammad Malumfashi, babban edita a sashen Hausa na Legit ya duba labarin.

Asali: Legit.ng