Majalisa Ta Dauki Mataki kan Bukatar Tinubu Ta Amincewa da Nadin Ministoci
- Majalisar dattawa ta amince da sababbin ministoci bakwai da shugaban ƙasa Bola Ahmed Tinubu ya naɗa
- Majalisar ta amince da su ne bayan ta tantance su yayin zamanta na ranar Laraba, 30 ga watan Oktoban 2024
- Shugaban majalisar dattawa ya nuna gamsuwarsa kan mutanen da Tinubu ya zaɓo domin su zama ministoci
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
FCT, Abuja - Majalisar dattawa ta amince da sababbin ministoci bakwai da shugaba Bola Tinubu ya naɗa kwanan nan a gwamnatinsa.
Majiyar dattawan ta amince da ministocin ne bayan ta tantance su a ranar Laraba.
Asali: Facebook
Majalisa ta tantance ministocin Tinubu
Jaridar The Cable ta rahoto cewa majalisar ta amince da sababbin ministocin ne yayin zaman majalisar na ranar Laraba, 30 ga watan Oktoban 2024.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
A ranar Laraba ne dai majalisar dattawan ta fara tantance ministocin guda bakwai waɗanda Shugaba Bola Tinubu ya zaba.
Sababbin ministocin da za a nada
Ministocin sun haɗa da Jumoke Oduwole ministar masana’antu, kasuwanci da zuba jari, Idi Muktar Maiha, ministan kiwon dabbobi.
Akwai Yusuf Ata da zai zama ƙaramin ministan gidaje da raya birane, da Suwaiba Said Ahmad a kujerar ƙaramar ministar ilimi.
Sauran sun haɗa da Nentawe Goshwe Yilwatda, ministan jin ƙai da rage talauci, Muhammadu Dingyadi a matsayin ministan ƙwadago da samar da ayyukan yi.
Sai kuma Bianca Ojukwu a matsayin ƙaramar ministar harkokin ƙasashen waje.
Ministocin Tinubu sun samu amincewar majalisa
A lokacin tantance su, ministocin sun yi magana kan yadda za su yi amfani da ofisoshinsu ta yadda ƴan Najeriya za su amfana.
An amince da ministocin ne bayan shugaban majalisar dattawa, Godswill Akpabio, ya buƙaci a kaɗa ƙuri'a.
Akpabio ya bayyana cewa ya gamsu da zaɓen da shugaba Tinubu ya yi na ministocin.
"Ina tunanin shugaban ƙasa ya ɗauki lokacinsa wajen zaɓo waɗannan ministocin."
- Godswill Akpabio
Majalisar dattawa ta waiwayi ministocin Tinubu
A wani labarin kuma, kun ji cewa majalisar dattawan Najeriya ta fara shirye-shiryen tantance sababbin ministocin da shugaban ƙasa, Bola Ahmed Tinubu ya naɗa.
Mai ba shugaban kasa shawara na musamman kan harkokin majalisar dattawa, Basheer Lado, ya tabbatar da cewa sababbin ministocin sun fara bin matakan doka.
Muhammad Malumfashi, babban Edita a sashen Hausa na Legit ya duba labarin.
Asali: Legit.ng
