Sarki Sanusi II Zai Nada Babban Dansa Sarautar Ciroman Kano, Bayanai Sun Fito

• Sarkin Kano, Muhammadu Sanusi II zai nadawa babban dansa sarautar Ciroman Kano a ranar Juma'a, 25 ga Oktoba
• An rahoto cewa mahaifin Sarkin Kano na yanzu, Ambasada Aminu Sanusi, ya rike mukamin har zuwa rasuwarsa a 1990
• Baya ga DSP Aminu Lamido Sanusi, an kuma rahoto cewa Mai martaba zai nadawa wasu mutane tara sarauta

Sani Hamza, kwararren edita ne a fannin nishadi, al'amuran yau da kullum da kuma siyasa. Sani yana da shekaru sama da biyar a aikin jarida

Kano - Sarkin Kano na 16, Alhaji Muhammadu Sanusi II, ya kammala shirye-shiryen yiwa babban dansa nadin sarautar Ciroman Kano.

Rahoto ya nuna cewa yariman masarauta (babban dan sarki) ko kuma mai jiran gadon sarauta ne ake yiwa nadin sarautar 'Ciroma.'

Sanusi II zai yiwa dansa sarautar 'Ciroma'

Kara karanta wannan

TCN ta bayyana abin da ya jawo lalacewar wutar lantarki a Arewacin Najeriya

Mahaifin sarkin Kano na yanzu, Ambasada Aminu Sanusi, ya rike mukamin har zuwa rasuwarsa a shekarun 1990 a cewar rahoton Daily Trust.

Wanda ya rike mukamin na karshe shi ne Alhaji Nasiru Ado Bayero, wanda aka nada Sarkin Bichi a shekarar 2020.

Idan za a tuna, gwamnatin Abba Kabir Yusuf tube rawaninsa bayan shekaru hudu a kan mulki da aka soke masarautu.

Za a yi wa dan Sanusi II na farko, Aminu Lamido Sanusi, wanda dan sanda ne mai mukamin DSP nadin sarautar ne tare da wasu mutum tara a ranar Juma’a, 25 ga Nuwamba, 2024.

Sanusi II zai yi wa mutane 10 sarauta

Ga jerin wadanda Sarki Sanusi II zai yiwa nadin sarauta a ranar Juma'a mai zuwa:

1. DSP Aminu Lamido Sanusi - Chiroman Kano
2. Mahmud Aminu Yusufu - Mai Unguwar Mundubawa
3. Dr. Abubakar Aminu Sanusi (Wambai) - Dan Madami
4. Arch. Ali Muktar - Sa'in Kano
5. Sarki Yusuf Bayero - 'Yan Daka
6. Abdullahi Idris Bayero - Fagacin Kano
7. Ado Abdullahi Aminu - Kaigaman Kano
8. Idris Sanusi - Sarkin Sullubawa
9. Mansur Isa Bayero - Sarkin Kudu
10. Abdullahi Sarki Mohammed - Sarkin Yamma

Kara karanta wannan

'Zai gaji mahaifinsa': Gwamna Abba ya mika sandar mulki ga sarkin Gaya Aliyu

Dan Sarki Sanusi II ya auri 'yar sanata

A wani labarin, mun ruwaito cewa kwanaki kadan da dawowar Sarki kan sarautar Kano, dansa, Ashraf zai auri 'yar Sanata Sulaiman Nazif.

A ranar 2 ga watan Agustan wannar shekarar ne Sarki Muhammadu Sanusi II aurar Ashraf Lamido ga masoyiyarsa mai suna Sultana Nazif.

Muhammad Malumfashi, babban edita a sashen Hausa na Legit ya duba labarin.

Asali: Legit.ng