A da N30,000 Nake Kashewa: Direba Ya Yi Tsokaci Bayan Sauya Motarsa Zuwa CNG

• Wani direban mota ya sauya motarsa daga amfani da man fetur zuwa gas din CNG, hakan ya rage masa kashe kudi
• A wata tattaunawa da aka yi dashi, ya ce a baya kullum sai ya kashe N30,000 ko sama a sayen man fetur
• Yayin da mutane suka ji ya ce yanzu N7,000 yake kashewa a rana, sun tambayi ko ya rage kudin sufuri da yake karba a hannun fasinja

Yayin da a Najeriya ake ci gaba da karbar gas din CNG saboda tsadar man fetur, direbobi sun bayyana ra’ayoyinsu.

A wata tattaunawa da iTV ta yi da direbobi, sun bayyana ra’ayoyinsu da kuma yadda suke karbar sauya motocinsu zuwa CNG.

Yadda ake karbar CNG a Najeriya

Idan baku manta ba, wani farfesa a jami’ar Najeriya ya ce ba zai taba sauya motarsa zuwa CNG ba ko ya za a yi dashi.

Kara karanta wannan

‘Yan APC da suka koma kuka da gwamnati saboda tsadar rayuwa a zamanin Tinubu

A bangare guda, direbobin motocin haya sun fadi ra’ayinsu, kuma sun karbi CNG hannu biyu.

A cewar wani daga cikin direbobin, kudin da yake kashewa na sayen man fetur ya ragu ainun bayan komawa CNG.

A cewarsa, a madadin kashe N30,000 da yake a rana, yanzu yana kashe N7,000 ne kawai ta hanyar amfani da CNG.

An yada bidiyon hirarsa a shafin TikTok na @pcngi, duba bidiyon a kasa:

Martanin jama'a a kafar TikTok

user4170322148490:

“Ka yi amfani da albashinka na watanni takwas ta sauya. Sannan duk sadda kake bukatar gas ka tafi Lekki ko Maitama a Abuja.”

pcnginitiative:

“Ana kirkirar wuraren shan iskar CNG a kasar ko ta ina!!! Wannan ba zai zama wata matsala ba.”

smoltfrank:

“A ina ake sauyawa don Allah?”

30BGmetro:

“A ina kake a birnin Benin?”

Kara karanta wannan

"Na cancanta," Sanatan APC ya bayyana shirinsa na neman zama shugaban ƙasa a 2027

Godwin_chukwu:

“A hankali zai tashi.”

pcnginitiative:

“CNG ya fi araha sosai...kuma ba za a daina amfani da CNG ba.”

wisdom benjamin:

“Haka zai karbi kudi daidai na abokan aikinsa masu aiki da man fetur.”

businessmencloset:

“Ina fatan dai sun rage kudin sufuri?”

holawalay (Wales):

“Kudin sufurinsa zai yi tsada saboda sauya mota zuwa CNG bai da sauki.”

Wasu direbobi sun ki karbar CNG

A wani labarin, man iskar gas na CNG yana da arha wanda hakan ya sanya zama makwafin man fetur domin yin amfani da shi a motoci.

Gwamnatin tarayya ta fito da tsarin PCNGi wanda zai mayar da hankali wajen ganin an koma amfani da CNG a kasar nan domin samun sauki.

A karkashin tsarin akwai shirin samar da wuraren da za a rika mayar da motoci masu amfani da man fetur komawa yin amfani da CNG.

Asali: Legit.ng