An Rasa Rai bayan Tashin Wani Abin Fashewa a Jihar Delta

• An samu asarar rai a jihar Delta bayan wani abin fashewa da ba san ko menene ba ya tashi a wurin ƴan bola-bola
• Mutum ɗaya ya rasa ransa yayin da wasu suka samu raunuka, aka garzaya da su zuwa asibiti domin ba su kulawa
• Ana tunanin abin fashewar bai wuce tulun iskar gas ko na kashe gobara wanda aka kai wajen ƴan bola-bolan

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

Jihar Delta - Wani abin fashewa ya yi sanadiyyar kashe mutum ɗaya tare da jikkata wasu da ba a tantance adadinsu ba a jihar Delta.

Lamarin tashin abin fashewar ya auku ne yammacin ranar Talata, 8 ga watan Oktoban 2024 a garin Sapele na jihar Delta.

Kara karanta wannan

Sojoji sun yi artabu da 'yan bindiga, an samu asarar rayuka masu yawa

Abin fashewa ya tashi a Delta

Jaridar Leadership ta rahoto cewa lamarin ya faru ne da misalin ƙarfe 7:00 na yamma a wani wurin da ƴan bola-bola ke ajiye kayayyakinsu.

Shaidun gani da ido sun bayyana cewa, mai yiwuwa fashewar ta samo asali ne daga fashewar wani tulun iskar gas da ɗaya daga cikin ƴan bola-bolan ya kawo bisa kuskure.

A cewar majiyoyin da ke kusa da wurin, mutumin da ya rasu yana ɗaya daga cikin ƴan bola-bolan da ke wajen bayan ya samu munanan raunuka a jikinsa.

"Aƙalla wasu mutum biyu sun samu munanan raunuka, ciki har da mutanen da ke zaune kusa da wurin. Yanzu haka suna karɓar magani a wani asibiti."

- Wata majiya

Ƴan sanda sun ce wani abu kan lamarin

Wani babban jami’in ƴan sanda, da ya nemi a sakaya sunansa, ya nuna cewa mai yiwuwa ne ɗaya daga cikin ƴan bola-bolan ya yi amfani da tulun ne cikin rashin sani.

Kara karanta wannan

Jirage sun yi taho mu gama, ana fargabar rasa rayukan fasinjoji da dama

"Mai yiwuwa sun ɗauka cewa wani tsohon ƙarfe ne. Abin da muke tunani shi ne yana iya kasancewa tulun iskar gas ko na kashe gobara."

- Wani jami'in ɗan sanda

Gobara ta tashi a kasuwar Kantin Kwari

A wani labarin kuma, kun ji cewa an samu tashin gobara a babbar kasuwar Kantin Kwari da ke cikin ƙaramar hukumar Kano Municipal a jihar Kano.

Gobarar wacce ta tashi a daren ranar Asabar, 5 ga watan Oktoban 2024 ta ƙone shaguna da dama tare da.jawo asara a babbar kasuwar.

Muhammad Malumfashi, babban edita a sashen Hausa na Legit ya duba labarin.

Asali: Legit.ng