Tsohon Sanata Ya Fadi Manufar Rikicin da Aka Samu Sakamakon Zanga Zanga

• Tsohon sanatan Kaduna ta Tsakiya ya yi Allah wadai da barnar da aka samu a sakamakon zanga-zanga da ake yi a faɗin ƙasar nan
• Sanata Shehu Sani ya bayyana cewa rikicen-rikicen da aka samu a Arewacin Najeriya wani yunƙuri ne na kifar da gwamnati
• Ya yi zargin cewa an rabawa matasa kuɗaɗe da tutocin Rasha yayin zanga-zangar wacce ake yi domin nuna adawa da halin ƙuncin

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

FCT, Abuja - Tsohon sanatan Kaduna ta Tsakiya, Shehu Sani, ya yi magana kan rikice-rikicen da aka samu sakamakon zanga-zangar da ake yi a faɗin ƙasar nan.

Sanata Shehu Sani, ya yi Allah-wadai da tashe-tashen hankulan da aka samu a Arewacin Najeriya sakamakon zanga-zangar.

Kara karanta wannan

Kasar Rasha ta yi magana kan masu zanga zangar da ke ɗaga tutocinta a Najeriya

Wane zargi Shehu Sani ya yi?

Shehu Sani wanda aka yi hira da shi a tashar Channels tv ranar Talata, ya ce tashe-tashen hankulan wani yunƙuri ne na kifar da gwamnati.

Ya yi zargin cewa kwana ɗaya kafin zanga-zangar an raba kuɗaɗe da tutocin ƙasashen waje a tsakanin matasa.

"Kwana ɗaya kafin zanga-zangar ƙarshe, an raba kuɗi ga matasa da tutocin ƙasar Rasha. Hakan ya nuna cewa gabaɗaya manufar zanga-zangar ba domin tsare-tsaren gwamnati ba ne."

"An yi yunƙurin samar da wani yanayi ne wanda za a kifar da gwamnati. Idan aka samu irin haka, za ka ga cewa akwai wanda ke kitsa yadda za a samu karya doka da oda."

- Shehu Sani

An yi rikici yayin zanga-zanga a Arewa

A yayin zanga-zangar da aka yi a Kaduna, Kano da wasu jihohin Arewacin Najeriya, wasu matasa sun riƙa ɗaga tutocin Rasha yayin da suke kiran sojoji da su amshi mulki.

Kara karanta wannan

Zanga zanga: An kama mutumin da ke ɗinka tutocin ƙasar Rasha a jihar Kano

An fara zanga-zangar #EndBadGovernance ne a ranar, 1 ga watan Agusta kuma ana sa ran za a ɗauki tsawon kwanaki 10 ana yi.

Karanta wasu labaran kan zanga-zanga

• Babban hafsan tsaro ya fadi laifin masu daga tutar Rasha, ya gargadi 'yan zanga zanga
• Gwamnatin tarayya ta dauki kwakkwaran mataki kan masu daukar nauyin zanga zanga
• Zanga zanga: Kwankwaso ya bayyana wanda zai dauki alhakin barnar da aka yi a Kano

Shehu Sani ya magantu kan zanga-zanga

A wani labarin kuma, kun ji cewa tsohon Sanatan Kaduna ta Tsakiya a majalisar dattawa ta takwas, Shehu Sani, ya yi magana kan abubuwan da ke sanyawa zanga-zangar lumana ta rikiɗe ta koma tashin hankali.

Shehu Sani ya bayyana cewa idan jami'an tsaro ɗauke da makamai suka harbi masu zanga-zanaga, tana iya rikiɗewa ta koma tashin hankali.

Muhammad Malumfashi, babban edita a sashen Hausa na Legit ya duba labarin.

Asali: Legit.ng