UTME: Jerin Sunaye da Jihohin Ɗaliban da Suka Yiwa Jarabawar JAMB Cin Kaca a 2024

• Hukumar JAMB ya bayyana sunayen ɗaliban da suka ci maki mafi yawa a jarabawar share fagen shiga jami'a ta bana 2024
• Shugaban JAMB na kasa, Farfesa Ishaq Oloyede ne ya sanar da sunayen ɗaliban a wurin taron majalisar gudanarwa ta hukumar a Abuja
• Wannan na zuwa ne yayin da gwamnatin tarayya ta yi amai ta lashe kan mafi ƙarancin shekarun shiga jami'a a Najeriya

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Abuja - Hukumar shirya jarabawar share fagen shiga jami'o'i a Najeriya (JAM) ta saki sakamakon jarabawar da ɗalibai suka zauna a faɗin kasar da wasu ƙasashen waje.

Kamar yadda aka saba a kowace shekara, JAMB ta kuma fitar da jerin ɗaliban da suka nuna hazaƙa da ƙwazo suka samu maki mafi yawa a jarabawar UTME 2024.

Kara karanta wannan

JAMB ta sanar da sabon mafi karancin makin shiga manyan makarantu a Najeriya

Shugaban hukumar JAMB na kasa, Farfesa Ishaq Oloyede ne ya bayyana ɗaliban da suka suka yiwa jarabawar cin kaca, kamar yadda Punch ta ruwaito.

Wannan na zuwa ne yayin da ministan ilimi, Tahir Mamman ya yi amai ya lashe kan mafi ƙarancin shekarun shiga jami'a a Najeriya

A farko, ministan ya bayyana cewa daga yanzu sai ɗalibi ya cika shekara 18 sannan za a ba shi gurbin karatu a jami'o'in ƙasar nan.

Sai dai nan take masu ruwa da tsaki suka yiwa matakin bore, lamarin ya sa Farfesa Tahir ya janye kalamansa tare da ayyana shekaru 16 a matsayin mafi karancin shiga jami'a.

Sunayen waɗanda suka fi samun makin JAMB

Farfesa Ishaq Oloyede ya bayyana sunayen ɗaliban da suka fi samun makin JAMB da jihohin da suka fito a wurin taron majalissr gudanarwa ta JAMB a Abuja yau Alhamis, Leadership ta rahoto.

Kara karanta wannan

Ganduje ya yi kamu, babban jigon da ya yaƙi tikitin Musulmi da Musulmi ya koma APC

Ga su kamar haka:

JAMB ta gano masu ƙaryar takardu

A wani rahoton kuma kun ji cewa hukumar JAMB ta bayyana gano wasu masu karyar kammala manyan makarantu a Najeriya

Shugaban hukumar, Farfesa Ishaq Oleyede da ya bayyana haka ya kara da cewa matasa 3000 na rike da shaidar kammala makarantun.

Asali: Legit.ng