Gwamnan Yobe Ya Rantsar da Sababbin Kwamishinoni da Hadimai, Ya Ba Su Shawara
- Jihar Yobe ta samu ƙarin sabbabin kwamishinoni guda biyu da masu ba da shawara na musamman ga gwamnan jihar mutum 28
- Gwamna Mai Mala Buni ya rantsar da sababbin masu riƙe da muƙaman domin fara sauke nauyin da aka ɗora musu
- Ya buƙace su da su yi aiki tuƙuru domin ganin ba da tasu gudunmawar wajen kawo ci gaba ga al'ummar jihar
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Yobe - Gwamnan jihar Yobe, Mai Mala Buni, ya rantsar da kwamishinoni biyu, shugaban ma’aikata, manyan sakatarori guda huɗu a jihar.
Gwamnan ya kuma rantsar da masu ba da shawara na musamman guda 28 domin gudanar da ayyuka masu inganci a jihar.
Asali: Twitter
Wace shawara ya ba su?
Gwamna Buni ya buƙaci sababbin kwamishinonin da su bayar da tasu gudunmawar wajen tsarawa da aiwatar da dukkanin manufofi da tsare-tsare da ayyuka na gwamnati cikin gaskiya domin amfanin al’ummar jihar.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ya kuma buƙace su da su yi amfani da ƙwarewar da suke da ita wajen ƙara nasarorin da gwamnatin jihar ta samu, cewar rahoton jaridar Leadership.
Sababbin kwamishinonin da aka rantsar sun haɗa da Alhaji Mohammed Mohammed Bara da Farfesa Abba Idris, rahoton jaridar Daily Trust ya tabbatar.
"Ana sa ran ku yi amfani da ƙwarewarku gogewa wajen kawo sababbin dabaru domin ƙara ƙima ga nasarorin da wannan gwamnatin ta samu."
"Ya kamata ku fifita yiwa jama’a hidima tare da la’akari sosai ga makomar jihar."
- Mai Mala Buni
Gwamnan ya buƙaci sabon shugaban ma’aikata, Hamidu M. Alhaji, da ya samar da jajirtattun ma'aikata masu inganci domin yiwa jihar aiki.
Ya buƙaci masu ba da shawara na musamman da su riƙa tuntuɓar mutanen yankinsu domin tabbatar da cewa ana damawa da su a cikin harkokin mulki.
Gwamna Buni ya dakatar da ciyaman
A wani labarin kuma, kun ji cewa gwamnan jihar Yobe, Mai Mala Buni, ya dakatar da shugaban ƙaramar hukumar Machina, Idrissa Mai Bukar Machina.
Gwamna Mai Mala Buni ya dakatar da shugaban ƙaramar hukumar ne bisa zargin rashin ɗa'a da rashin biyayya.
Asali: Legit.ng
