Gwamnan Zamfara na Shan Sukar Gina Filin Jirgin Saman N62.8b Ana Fama da ’Yan Bindiga

• Gwamantin jihar Zamfara karkashin Dauda Lawal na cigaba da shan kakkausan suka kan kudurin gina filin jirgin sama a jihar
• Dakta Sani Abdullahi Shinkafi ya caccaki gwamnatin bisa kudurin tare da bayyana abin da ya kamata Dauda Lawal ya yi a wannan lokacin
• Gwamna Lawal ya dauki aniyar kashe kudi kimanin Naira biliyan 62.8 domin gina katafaren filin jirgin sama a babban birnin jihar

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Zamfara - Ana cigaba da sukan gwamna Dauda Lawal bisa aniyar gina katafaren filin jirgin sama a jihar.

Gwamna Dauda Lawal zai kashe kudi kimanin Naira biliyan 62.8 domin gina filin jirgin sama a Gusau.

Kara karanta wannan

Matsin rayuwa: Tinubu ya shawarci 'yan Najeriya kan yadda za su samu abinci cikin sauki

Jaridar Leadership ta ruwaito shahararren dan siyasa a jihar, Dakta Sani Abdullahi Shinkafi na cewa aikin bai dace ba a wannan lokacin.

A maida hankali kan tsaro a Zamfara

Tsohon dan takarar gwamna a jihar Zamfara karkashin jam'iyyar AFGA, Dakta Sani Abdullahi Shinkafi ya ce ba buƙatar filin jirgin sama a jihar Zamfara yanzu.

Dakta Sani Abdullahi Shinkafi ya ce abin da mutane ke buƙata shi ne maganin yan bindiga da samar da abubuwan more rayuwa.

Shinkafi: "Filin jirgin N62.8b ya yi tsada'

Har ila yau, Dakta Shinkafi ya ce ko da za a gina filin jirgin saman bai kamata a ce an ware kudi har N62.8b ba a cewar rahoton Vanguard.

Shinkafi ya ce gwamna Dauda Lawal ya ruɗi ministan harkokin jiragen sama, Festus Keyamo kan cigaba da aikin duk da cewa ba shi ya kamata a kashewa kudin ba.

Kara karanta wannan

Yadda kwankwaɗar kunun aya ya hallaka mutane 24, Gwamna ya dauki mataki mai tsauri

Zamfara: Filin jirgin sama ya gagara ginuwa

Aikin filin jirgin saman birnin Gusau dai ya samo asali ne tun a lokacin mulkin gwamna Mahmud Aliyu Shinkafi.

Haka aka cigaba da tafiya karkashin gwamnonin da suka gabata ba tare da an yi aikin ba har wannan lokaci.

Jirgi ya 'jefa' bam a Zamfara

A wani rahoton, kun ji cewa mazauna ƙauyen Kukawa a karamar hukumar Maradun a Zamfara sun yi ikirarin sojoji sun masu ruwan bama-bamai a filin idi.

Wani da ya nemi a sakaya sunansa ya ce jirgin ya zo wucewa sai ƴan bindiga suka buɗe masa wuta bisa haka ya saki bam ɗin da ya shafi fararen hula.

Muhammad Malumfashi, babban edita a sashen Hausa na Legit ya duba labarin.

Asali: Legit.ng