Mulki Ya Zo Karshe: Gwamna Bello Ya Dauki Mataki, Ya Rufe Dukkan Asusun Gwamnati a Jiharsa

• Gwamna Yahaya Bello ya umarci a gaggauta rufe dukkan wani asusu na gwamnatin jiha da na kananan hukumomin jihar Kogi
• Kwamishinan kuɗi na jihar, Asiwaju Asiru Idris ne ya bayyana haka, ya ce an kuma umarci dakatar da dukkan wasu hada-hadar kuɗi a asusun
• Wannan na zuwa ne yayin da Gwamna Bello ke shirye-shirye sauka daga mulki bayan wa'adinsa ya ƙare a watan Janairu, 2024

Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum

Jihar Kogi - Gwamnan jihar Kogi, Yahaya Bello, ya ba da umarnin a kulle dukkan asusun gwamnatin jiha da na kananan hukumomi nan take ba tare da ɓa ta lokaci ba.

Kwamishinan kuɗi na jihar Kogi, Asiwaju Asiru Idris, shi ne ya tabbatar da haka a wata sanarwa ranar Alhamis, kamar yadda jaridar The Nation ta ruwaito.

Kara karanta wannan

Kotun daukaka kara da sanya ranar yanke hukuncin shari'ar zaben gwamnan Kaduna

A sanarwan da kwamishinan ya fitar yau 23 ga watan Nuwamba, 2023, ya ce:

"Daga yanzu babu wanda za a sake biya wasu kudi ko fitar kuɗi daga lalitar gwamnati. An soke duk wani umarnin sakin kuɗi da ba a aiwatar ba ko na zuba hannun jari."

"An rufe dukkan asusun gwamnatin jihar Kogi da na ƙananan hukumomin jihar daga yau Alhamis, 23 ga watan Nuwamba, 2023."

Channels tv ta tattaro cewa wannan mataki na zuwa ne kwanaki kaɗan bayan Yahaya Bello ya caccaki muƙarrabansa bisa abin da ya kira saba wa manufofin gwamnatinsa.

Yahaya Bello ya kusa sauka daga gadon mulki

Gwamna Bello, wanda wa'adinsa a zango na biyu ke dab da karewa, ana tsammanin zai mika mulki ga zababben gwamna, Usman Ododo, a watan Janairu, 2024.

Ododo, tsohon Audita Janar na kananan hukumomi a jihar Kogi karƙashin gwamnatin Bello, kuma ɗan takarar APC, shi ne ya lashe zaɓen gwamna ranar 11 ga watan Nuwamba.

Kara karanta wannan

Gwamnan APC ya ɗau zafi, ya dakatar da kwamishina da wani babban hadimi kan abu 1 tak

Gwamna Uzodinma ya dakatar da muƙarrabansa biyu

A wani rahoton na daban Gwamnan jihar Imo ya dakatar da kwamishinan filaye, bincike da tsare-tsare, Honorabul Noble Atulegwu, daga muƙaminsa nan take.

Ya kuma dakatar da mai ba gwamna shawara kuma babban manajan hukumar gidaje ta jihar, Mbakwe Obi Jnr, ya umarci su bar ofis.

Asali: Legit.ng