Ana Zanga-Zanga a Kano Kan Tsige Abba Gida Gida, Bidiyo Ya Bayyana

• Zanga-zanga ta barke a jihar Kano bayan tsige Gwamna Abba Yusuf da kotun daukaka kara ta yi
• Hakan ya kasance ne yayin da yan sanda suka tarwatsa masu zanga-zangar a yankin Dan Agundi da ke jihar a ranar Laraba, 22 ga watan Nuwamba
• Zanga-zangar ta biyo bayan sakin kwafin shari'ar CTC wacce ta sha bamban da hukuncin kotun daukaka kara

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Jihar Kano - Magoya bayan jam'iyyar NNPP sun mamaye titunan jihar Kano a ranar Laraba, 22 ga watan Nuwamba, domin yin zanga-zanga kan kayen da Gwamna Abba Kabir Yusuf ya sha a kotun daukaka kara.

Daga bisani jami’an yan sandan Najeriya sun tarwatsa masu zanga-zangar ta hanyar harba barkonon tsohuwa.

Kara karanta wannan

Labari Mai Zafi: Lauyoyin NNPP Sun Daukaka Kara a Kotun Koli Kan Tsige Abba

APC vs NNPP: Zanga-zanga ya barke a Kano

Jaridar Daily Trust da Channels TV ma sun fitar da rahotanni kan zanga-zangar.

Zanga-zangar ta biyo bayan sakin kwafin shari'ar CTC wacce ta sha bamban da hukuncin kotun daukaka kara.

Wasu daga cikin masu zanga-zangar sun ce a shirye suke su mutu yayin da suke neman adalci.

Ga bidiyon zanga-zangar a kasa:

Kotu ta saki takardun hukuncin shari'ar Kano

A baya mun ji cewa kwanaki biyar bayan yanke hukunci, kotun daukaka ƙara ta saki takardun hukuncin shari'ar gwamnan Kano da ta yanke.

Kotun ɗaukaka ƙarar ta yanke hukuncin ne a kan zaɓen gwamnan jihar Kano da ake takaddama a kai a ranar Juma'a, 17 ga watan Nuwamba, inda ta ba jam'iyyar APC da ɗan takararta, Nasiru Gawuna, nasara.

Kara karanta wannan

Kano: Yayin da CTC ta tabbatar da nasarar Abba Kabir, NNPP ta fadi hanyar warware matsalar

Salihu Tanko Yakasai, wanda aka fi sani da Dawisu, ɗan takarar gwamnan jihar Kano a ƙarƙashin jam'iyyar PRP a zaɓen 2023 ne ya sanya takardun na CTC a shafinsa na X (wanda a baya aka fi sani da Twitter).

NNPP ta magantu kan shari'ar Kano

A gefe guda, jami'yyar NNPP ta yi martani kan rikita-rikitar da ke cikin hukuncin kotun daukaka a zaben gwamnan Kano.

Idan ba a manta ba a jiya Talata aka saki kwafin shari'ar ta CTC wacce ta sha bamban da hukuncin kotun daukaka kara, cewar Punch.

Asali: Legit.ng