Kirsimeti: Gwamna Uno Ya Amince da Karin Albashin Wata Daya Ga Ma'aikatan Akwa Ibom

• Gwamna jihar Akwa Ibom ya amince da biyan ma'aikatan jiharsa albashin watan 13 domin su yi shagalin kirsimeti
• Fasto Umo Eno, ya ba da umarnin biyan kowane ma'aikaci kwatan-kwacin albashinsa a matsayin tallafin bikin kirsimetin 2023
• A watan Disamba na kowace shekara Kiristoci ke gudanar da bikin kirsimeti daga bisani kuma su yi murnar shigowar sabuwar shekara

Ahmad Yusuf, gogaggen Edita ne a Legit Hausa da ya shafe tsawon 0shekaru yana kawo muku rahotannin siyasa, nishadi da al'amuran yau da kullum

Jihar Akwa Ibom - Gwamnan Jihar Akwa Ibom, Fasto Umo Eno, ya amince da ƙarin albashin wata ɗaya ga ma'aikatan jihar domin shagalin bikin Kirsimeti.

Gwamna Uno ya bada umarnin a biya ma'aikatan wannan ƙarin albashi a watan Disamba domin su samu damar gudanar da bukukuwan kirsimetin wannnan shekarar 2023.

Kara karanta wannan

'Yan bindiga sun shiga uku, Gwamnan arewa na PDP ya aike da buƙata 1 ga hukumomin tsaron jiharsa

Wannan garaɓasa na kunshe ne a wata sanarwa da Gwamnatin jihar Akwa Ibom ta wallafa a shafinta na manhajar X wanda aka fi sani da Tuwita ranar Alhamis.

A cikin sanarwan, Gwamnatin Akwa Ibom ta ce:

"Gwamnan Jihar Akwa Ibom, Fasto Umo Uno, ya amince da ƙarin albashin wata ɗaya wanda za a biya dukkan ma'aikatan jihar a watan Disamba domin shagalin bikin Kirsimeti."

Gwamnatin ta ƙara da cewa wannan albashin na watan 13 a shekarar 2023, za a bai wa ma'aikata ne a matsayin wata garaɓasa da kyauta da nufin taimaka musu.

Ta ce kuɗin zasu taimaka wa ma'aikatan su gudanar da shagulgulan bikin Kirsimeti wanda ake kira da, "yuletide" da kuma sabuwar shekara mai kama wa.

Da wannan ne Gwamna Uno na jam'iyyar PDP ya zama Gwamna na farko da ya fara sanar da tagomashin da zai ba ma'aikata a matsayin tallafin Kirsimetin bana.

Kara karanta wannan

Kogi: "Ni ake nema a kashe" Ɗan takarar Gwamna ya tona shirin Gwamnan APC a jihar arewa

Mabiya addinin Kirista na gudanar da bikin ne a karshen watan Disamba na kowace shekara, a ranar ɗaya ga watan Janairu kuma su yi bikin sabuwar shekara.

Atiku Abubakar Ya Dira Jihar Kogi

A wani rahoton kuma Tsohon mataimakin shugaban ƙasa ya dira jihar Kogi domin goyon bayan Sanata Dino Melaye, ɗan takarar gwamna a inuwar PDP.

A wani sako da Atiku Abubakar ya wallafa a shafinsa mai kunshe da Hotuna, an ga manyan jiga-jigan tare da juna.

Asali: Legit.ng