Kyakkyawar Baturiya Ta Dira a Najeriya Don Ganin Saurayinta, Bidiyon Ya Dauka Hankali

• Wani matashi dan Najeriya ya riski kansa cikin yanayi na farin ciki yayin da budurwarsa wacce ta kasance baturiya ta faso kasar cikin salo
• Matashiyar baturiyar ta kasance dauke da murmushi yayin da masoyin nata ya tarbe ta a filin jirgin sama tare da abokansa
• Yayin da yan soshiyal midiya suka nuna sha'awarsu kan masoyan, mutane da dama sun bayyana tsantsar kyawu da kuruciyar budurwar

Masu amfani da soshiyal midiya sun mato a kan wani bidiyo da ke nuno yadda wasu masoya farar fata da bakin fata suka hadu a Najeriya.

Matashin wanda ya kasance dan Najeriya ya isa filin jirgin sama yayin da ya tarbi matashiyar budurwar da ta yi tattakin zuwa kasar.

Da yake wallafa wani bidiyo na maraba da zuwan da aka yi wa matashiyar, wani mai amfani da TikTok, @mikel_entertainer, ya rubuta:

Kara karanta wannan

“Na Zata Farfadiya Ce Da Shi”: Bidiyon Matashi Yana Gulma a Gidan Kitso Ya Girgiza Mata

"Sannu da zuwa Najeriya, kyakkyawan iyali.

"Tafiyar lokaci."

A cikin bidiyon, an kuma gano wata baturiya da wani dan Najeriya ya yi wa maraba da zuwa duk a cikin rukunin abokan.

Baturiyar farko na ta murmushi yayin da masoyinta dan Najeriya ya karbi akwatinta sannan ya garzaya zuwa wajen wata mota da ta faka tare da ita.

Kalli bidiyon a kasa:

Jama'a sun mato a kan masoyan

HrhPrinceAdemola2 ya ce:

"Na tayaka murna. Na san Allah zai bani tawa matar wata rana. Bana gaggawa!!"

Muna ya ce:

"A ina kuke ganin wadannan turawan? Allah ya taimakeni ina bukatar nawa nima."

olatundeolalekank2 ya ce:

"Rayuwa na da kyau idan Allah ya albarkaceka da kyakkyawar fuska."

Chiamaka Maris ta ce:

"Wow wannan ya yi kyau ina tawa."

Sara ta ce:

"Tana da kuruciya da kyau."

Kara karanta wannan

Daga Blessing Ta Zama Khadija: Matashiyar Budurwa Ta Karbi Addinin Musulunci

Gucci Josie ta ce:

"Wannan ta hadu sosai, wata rana nima zan riki matata irin haka."

Hotuna sun bayyana yayin da dan Yar’Adua ya yi wuff da diyar Babandede

A wani labarin, mun ji cewa kyakkyawar diyar tsohon Kwanturola Janar na Hukumar Kula da Shige da Fice ta Kasa (NIS), Muhammad Babandede, mai suna Amira ta shiga daga ciki.

Ibrahim, dan tsohon shugaban shugaban kasar Najeriya, marigayi Umaru Musa Yar'adua ne ya auri Amira, jaridar Daily Trust ta rahoto.

Asali: Legit.ng