Mai POS Ta Fashe Da Kuka Bayan Ta Karbi Jabun N100K Daga Kwastoma, Bidiyon Ya Yadu

• Wata matashiya yar Najeriya ta koka sosai a soshiyal midiya bayan ta yi asarar makudan kudade a hannun yan damfara
• A cewar matashiyar wacce ta karaya, wani dan damfara da ya ziyarci shagonta na POS ya biya ta da jabun kudi
• Bayan ta bayyana halin da ta shiga, mutane da dama sun garzaya sashin sharhi domin tausaya mata a kan wannan babban asara da ta yi

Wata mai sana'ar POS ta fashe da kuka bayan mummunan al'amari da ya ritsa da ita awajen aikinta.

A cewar matashiyar da zuciyarta ya karaya mai amfani da shafin @ faviebliz, wani dan damfara ya ziyarci shagonta a matsayin kwastoma ya bata jabun kudi naira 100,000.

Ta saki wani bidiyo mai ban tausayi da kudaden sannan ta fashe da kuka a cikin bidiyon yayin da jama'a suka tausaya mata.

Kara karanta wannan

"Gara Fetur Sau Dubu": Wata Mata Ta Koka Bayan Gas 12kg Da Ta Zuba a Janaretonta Ya Kare Cikin Awanni 7

Martanin jama'a yayin da wani mutum ya damfari mai POS N100k

@tosinayanwole207 ta yi martani:

"Yi hakuri madam amma nan gaba ki fara karbar kudin sannan ki duba da kyau kafin ki tura kudin, Allah ya cike maki gurbin."

@dammie178 ta ce:

"Ki je bankinki yar uwa. Za su taimaka maki wajen gano mutumin. Bayan haka ai kina da gaba daya bayanansa da ya baki don tura kudin ko?"

@tosinayanwole207 ta rubuta:

"Ya zama dole mu zamo masu lura wannan sana'a tamu na da matukar hatsari kuma yanzu babu kudi a ciki kawai dai muna jurewa ne."

@archibong59 ya kara da cewa:

"Ki je banki, ki yi korafi za su toshe asusun daga yin kowani irin hada-hadar kudi, sannan idan ya je banki yin korafi. Za su fada masa dalili."

Kalli bidiyon a kasa:

Kara karanta wannan

Iyalin Da Kowa Mai Facin Tayoyi Ne Harda Uba, Uwa Da Dansu, Bidiyonsu a Bakin Aiki Ya Yadu

Dan Najeriya ya koka bayan ya mayar da motarsa mai amfani da gas

A wani labarin kuma, mun ji cewa dandalin soshiyal midiya ya dauki dumi bayan an wallafa bidiyon wata mota da ta dungi daukar zafi a babban titi a TikTok.

A cewar @user145586464 a TikTok, motar ta fara daukar zafi ba kakkautawa a kan babban titin bayan an mayar da ita zuwa mai amfani da iskar gas. Abun ya kai ga wuta ya tashi.

Asali: Legit.ng