“Na Tara Kudi Sosai”: Budurwa Yar Shekaru 19 Wacce Ta Siya Siminti Da Bulo a Hankali a Hankali Ta Gina Daki 1

• Wani dan gajeren biyon wata budurwa wacce ta gina daki daya a shekaru 19 ya karfafawa mutane da dama gwiwa yayin da suka jinjina mata
• Matashiyar ta bayyana cewa ta fara siyan kayan gini tun tana da shekaru 18 kuma dole ta hakura da kayan alatu da yawa
• A cewarta, ta kan koka wasu lokuta kan abubuwan da take sadaukarwa don ganin ta mallaki gida

Wata matashiyar budurwa yar shekaru 19 ta yi bidiyon yadda ta mallaki gida nata na kanta tana da karancin shekaru.

Matashiyar (@im.moody.bby1) ta ce sai da ta tara dukka kudadenta don siyan siminti da bulo don gina gidan mai daki daya.

Gida mai daki daya da ya sha tayil

Da take nuna cikin gidan da hadadden tayil, matashiyar ta ce takalmi daya ke gareta da silifas biyu sannan bata da gashin kanti. Ta kara da cewar ta gwammaci mallakar gida da za ta kasance cikin kwanciyar hankali fiye da yin rayuwar karya a soshiyal midiya.

Kara karanta wannan

Bidiyon Wata Budurwa Tana Dafa Taliya Da Lemun Mirinda Da Sukari Ya Girgiza Intanet

Bayan kammala gidan, matashiyar ta samu kayan wutanta da kayan daki a hankali a hankali. A wani bidiyon, matashiyar ta ce ta samu kudinta ne daga wata sana'a da ta fara tana da shekaru 17.

Kalli bidiyon a kasa:

Jama'a sun yi martani

Ebony flame ta ce:

"Jinjinata a gareki. Kana ki daina abun da kike yi sannan ki fuskanci inda kika sa gaba."

davioclarke ya ce:

"Ina matukar alfahari da ke a matsayinki na matashiya."

kay-Andy ya ce:

"Allah ya rubanya dakinnan zuwa dakuna. Ina hango maki wannan. za ki yi nisa."

Riska ta ce:

"Ina matukar mutunta ki..Ina son wannan, ki ci gaba da zuwa."

Boss chin ta ce:

"Ina alfahari da ke haka nima na fara a rayuwata tun ina 18, kuma da wannan kudirin za ki cimma nasara da wuri a rayuwa a farkon shekaru 20."

Kara karanta wannan

“Bai Taba Cin Amanata Ba”: Budurwa Ta Ki Amsa Tayin Saurayin Da Suka Shafe Shekaru 8 Suna Soyayya, Ta Fadi Dalili

Budurwa ta ginawa kanta gidan kwano mai daki 1

A wani labari makamancin wannan, mun ji cewa wata budurwa ta garzaya Twitter domin baje kolin dan karamin gidan da ta ginawa kanta.

Budurwar mai suna Thaidzo, ta haddasa cece-kuce a soshiyal midiya bayan ta ce a karshe ta zama mai gidan kanta a shekaru 19.

Asali: Legit.ng