"Tana Rayuwa a Shekarar 3023": Wata Mata Ta Tuka Amala Da Na'ura Maimakin Muciya
- Wani bidiyo da ke nuna wata mata tana tuka Amala a kan wuta da na'urar zamani ya haddasa cece-kuce a soshiyal midiya
- Matar ta rike na'urar yayin da take zaune a gaban katon tukunya inda ta dunga juya amalar cikin sauri
- Mata da dama da suka yi martani ga bidiyon sun ce a karshe sun samu mafita na yin amala cikin sauki
Wani bidiyo da ya yadu a TikTok ya nuno lokacin da wata mata ta yi amfani da na'ura wajen tuka amala a katon tukunya.
Ta tura na'urar mai kama da maburgi a cikin amalar da ke kan wuta inda ta dungi juya shi da kyau.
Asali: TikTok
Matar TikTok ta yi amfani da na'ura wajen tuka Amala
Bayan matar @platinumamalaspoy ta yi amfani da na'urar wajen tuka amalar, sai ta koma ga muciya wajen jujjuya shi don gudun kada ya yi gudaji.
DUBA: Bibiyemu a Instagram don samun labarai masu muhimmanci kai tsaye cikin manhajar
Mutane da dama da suka kalli bidiyon sun yi magana kan yadda wannan dabarar ya dace a wajen girka Abinci.
Kalli bidiyon a kasa:
Legit.ng ta tattara wasu martanin jama'a a kasa:
Tamilola ta ce:
"Na sani cewa bai kamata tuka Amala ya dauki tsawon rayuwar mutum ba. Na so wannan sabon dabarar."
Khalisea ta ce:
"Idan wadannan matan ne suke tuka amalan, zan ci shi."
Queen_daniai ta ce:
"Za mu samu da sauki idan muka yi aure ni da nake da maburgi da dama, mijina ma zai hada hannu da ni wajen burga amala."
HennySwitch ta ce:
"Yanzu gidan miji zai yi sauki don Allah na shirya aure."
temmy5555 ta ce:
" Zan dunga amfani da karamin maburgija wajen tuka amala kenan."
Emiloju ta ce:
"Watakila zan iya yin amala da kyau da wannan abun. "
Magidanci na shirin auren uwar matarsa da ta mutu
A wani labari na daban, mun ji cewa wani mutum ya bayyana aniyarsa na son auren mahaifiyar matarsa da ta mutu ta bar masa yara uku.
A cewar mutumin, ya zabi auren surukar tashi ne maimakon ya je ya dauko wata daga waje da za ta zo ta muzgunawa yaransa ko ma ta raba kansu.
Asali: Legit.ng
