Adesina Ya Yi Alkawarin Marawa Tinubu Baya a Kokarinsa Na Karfafa Tattalin Arzikin Najeriya

• Akinwumi Adesina, shugaban bankin raya kasashen Afrika, ya gana da shugaban kasa Bola Ahmed Tinubu a taron koli na kudi na duniya da aka yi a birnin Paris
• Adesina ya ce shugaban kasa Tinubu ya burge shi da kyawawan manufofinsa kan tattalin arzikin Najeriya
• Ya yi alkawarin marawa manufofin shugaban kasa Tinubu kan bunkasa da ci gaban tattalin arzikin Najeriya

Paris, Faransa - Shugaban bankin raya kasashen Afrika, Akinwumi Adesina, ya yaba ma jajircewar shugaban kasa Bola Ahmed Tinubu wajen gina tattalin arziki mai karfi a kasar.

Adesina, wanda ya gana da shugaban kasa Tinubu yayin taron koli na kudi na duniya a birnin Paris, kasar Faransa, ya ce bankin ci gaban Afrika zai tallafawa hangen Tinubu kan tattalin arzikin Najeriya.

Ya bayyana hakan a cikin wata wallafa da ya yi a shafinsa na Twitter @akin_adesina a ranar Juma'a, 23 ga watan Yuni.

Kara karanta wannan

“Najeriya Na Gab Da Ganin Karshen Rashin Tsaro”, Buni Ya Magantu Kan Nadin Shugabannin Tsaro, Ribadu Da Tinubu Ya Yi

Ya rubuta:

"Na yi wata babbar ganawa da Shugaba Tinubu a yayin taron koli na kudi na duniya a birnin Paris. Na gamsu da jajircewa da manufofinsa masu kyau kan tattalin arzikin Najeriya. Bankin raya kasashen Afirka zai bayar da gagarumin goyon baya ga manufofinsa kan tattalin arzikin Najeriya. @officialABAT."

Tinubu ya gana da yan Najeriya mazauna waje a kasar Faransa, hotuna da bidiyoyi sun bayyana

A baya mun ji cewa Shugaban kasa Bola Ahmed Tinubu na cikin ganawa da yan Najeriya mazauna kasar waje a ranar Juma'a, 23 ga watan Yuni.

Wannan shine karo na farko da shugaban kasar ke ganawa da yan Najeriya mazauna waje a Faransa, a gefen taron duniya da ke gudana a birnin Paris, NTA News ta tabbatar.

An shawarci Tinubu kan wanda zai nada a matsayin sabon gwamnan CBN bayan dakatar da Emefiele

Kara karanta wannan

Bola Tinubu Ya Haɗu da Shugaban Kasar Benin, Ya Taɓo Batun Iyakoki da Kasuwanci

A wani labari na daban, mun ji cewa an shawarci shugaban kasa Bola Tinubu da ya dakatar da al'adar nan na nada ma'aikatan banki a matsayin gwamnonin babban bankin Najeriya (CBN), dadaddiyar al'adar babban bankin kasar.

Deji Adeyanju, wanda ya kasance dan fafutuka na Najeriya shine ya bayar da shawarar a wata wallafa da ya yi a Twitter a ranar Juma'a, 23 ga watan Yuni.

Asali: Legit.ng