Labarai

Cire Tallafin Mai: 'Yan Kasuwa Sun Bayyana Kasashen Afirika Da Suka Fi Najeriya Tsadar Man Fetur

An wallafa 22 Yun 2023

daga Sharif Lawal

2 - tsawon mintuna

A cewar ƙungiyar manyan dillalan man fetur ta Major Oil Marketers Association of Nigeria (MOMAN), farashin man fetur a Najeriya ya fi na ko ina arha a Afirika
MOMAN ta bayyana sauran ƙasashen Afirika suna siyar da man fetur fiye da farashin da ake siyar da shi a Najeriya
Masu sharhi sun bayyana cewa duk da hakan akwai damar yin fasa ƙwaurin man fetur ɗin zuwa wasu ƙasashen Afirika

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

A cewar wasu bayanai daga ƙungiyar manyan dillalan man fetur ta Major Oil Marketers Association of Nigeria (MOMAN), farashin man fetur ya fi arha a Najeriya idan aka kwatanta da wasu ƙasashen musamman na Yammacin Afirika.

Bayanan na zuwa ne duk da tumɓuke tallafin man fetur da gwamnatin Bola Tinubu ta yi a Najeriya.

Kasashen da man fetur yake da tsada fiye da Najeriya — Man fetur na da arha sosai a Najeriya Hoto: MOMAN
Source: Facebook

Har yanzu Najeriya ce ke siyar da man fetur a farashi mafi arha a nahiyar Afirika

Kara karanta wannan

Jihar Imo Da Sauran Jerin Jihohin Da Aka Fi Siyan Man Fetur Da Dankaran Tsada a Najeriya

Bayan cire tallafin man fetur, kamfanin man fetur na ƙasa (NNPCL) ya mayar da farashin litar mai zuwa N488 kan kowacce lita inda sauran masu siyar da man fetur ɗin suka kwaikwayi matakin na kamfanin.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Nairametrics ta rahoto cewa sauran ƴan kasuwar na siyar da man fetur ɗin akan farashin N500 zuwa N510 kan kowace lita, wanda hakan ya nuna har yanzu farashin yana da arha idan aka kwatanta da sauran wasu ƙasashen nahiyar Afirika.

Bayanan da MOMAN ta fitar sun nuna yadda farashin man fetur yake a wasu ƙasashe 12 na nahiyar Afirika.

Ga jerinsu kamar haka:

Najeriya: N488 – N570 kowace lita a jihohin ƙasar
Cameroon: N906 duk lita ɗaya
Benin Republic: N807.85 duk lita ɗaya
Serra Leone: N822.95 duk lita ɗaya
Togo: N868.25 duk lita ɗaya
Burkina Faso: N1057 duk lita ɗaya
Ivory Coast: N1011.70 duk lita ɗaya
Ghana: N890.90 duk lita ɗaya
Guinea: N1049.45 duk lita ɗaya
Mali: N1079.65 duk lita ɗaya
Senegal: N1230.65 duk lita ɗaya
Liberia: N762.55 duk lita ɗaya

Kara karanta wannan

"Babu 'Yan Najeriya a Ciki, Attajiran Nahiyar Afirika 4 Suka Yi Alkawarin Sadaukar Da Kaso 50% Na Dukiyarsu

Jihohin Da Man Fetur Ya Fi Tsada a Najeriya

A wani labarin kuma, kun ji cewa a watan Mayun 2023 ƴan Najeriya sun siya man fetur da ɗan karan tsada bayan ya ƙaru kaso 37.57% daga kan N173.08 a watan Mayun 2022 zuwa N238.11 a watan Mayun 2023.

Jihar Imo ita ce akan gaba a cikin jerin jihohin da farashin na man fetur ya fi tsada a ƙasar nan a watan Mayu.

Asali: Legit.ng

Authors:

Sharif Lawal (Hausa Editor) Sharif Lawal ma'aikacin jarida ne wanda ya samu gogewa a harkar aikin jarida. Ya yi digirinsa na farko a jami'ar Ahmadu Bello (ABU) da ke Zaria. Ya samu horo daga Reuters kan aikin jarida da tantance labarai. Za a iya tuntubarsa ta Sharif.lawal@corp.legit.ng

Tags:

Wahalar man fetur a Najeriya Manyan Labarai A Yau Sabon Farashin Man Fetur