“Wani Irin Mugun Wasa Ne Wannan?” Budurwa Ta Yi Tafiya Kan Kiretan Kwai 4, Bidiyon Ya Yadu

• Wata matashiya ta bi ta kan kiretan kwai a wani bidiyo da ya yadu yayin da wasu mutane biyu suka taimaka mata wajen gangarawa
• Bayan ta yi tafiya kan kiretan kwan a hankali, kafarta daya ya rusa wasu daga cikin kwayayyen a kiret na uku
• Mutane da dama da suka yi martani sun nuna fushinsu cewa ta yi asarar kwayaye masu tsada don kawai ta dauki bidiyo

Wani bidiyo da ya yadu wanda @jking_of_lagos ya wallafa ya nuno lokacin da wata matashiyar budurwa ta yi tafiya a kan kiretan kwai da aka ajiye yayin da take kokarin tsayawa da kyau.

Kafin ta bi ta kan kwan, mutane biyu sun tsaya a gefenta. Daya daga cikinsu na ta bata umurnin da za ta bi.

Matashiya ta yi tafiya a kan kwai

Kara karanta wannan

“Dan Allah Ina Sonka”: Budurwa Sanye Da Hijabi Ta Furta Soyayya Ga Saurayi a Bainar Jama’a, Bidiyon Ya Yadu

Matashiyar ta ‘kame na tsawon sakanni sannan ta matsa daga kan kiret din farkon zuwa na biyu. A lokacin da ta isa kan kiret na uku, kafarta daya ya fasa wasu daga cikin kwayayen.

Sai dai kuma, ta yi nasarar wucewa kan kiret na daya, biyu da na hudu.

Bayan kallon bidiyon, wasu mutane a sashin sharhin sun yi mamakin dalilin da yasa suka yi asarar kwai da suka yi tsada yanzu don neman suna a TikTok.

Kalli bidiyon a kasa:

Me yasa kuke asarar kwai?

Bidiyon ya samu martani fiye da 100 da ‘likes’ fiye da 3,000 a daidai kawo wannan rahoton.

Ga wasu daga cikin martani a kasa:

Joanna ya ce:

“150 a yankina shine kuke almubazaranci da shi kada ku ji ku yi ta wasa.”

eM mA ya ce:

Kara karanta wannan

“Auren Nan Ba Zai Yiwu Ba”: Uba Ya Ba Kowa Mamaki a Wajen Bikin Diyarsa, Ya Fashe Da Kuka Wiwi a Bidiyo

“Kalli irin kwan da kuke batawa abun da zai baku 1M ‘likes’.”

Scott Ferguson ya ce:

“Ku kalla da kyau abun na lotsawa.”

quinitfabrics ya ce:

“Kun tabbata wannan kwan gaske ne.”

Devon ya ce:

“Kwai da ban ci ba na tsawon shekara daya.”

Matashi ya yi tafiya a kan kiret din kwai ba tare da ya fashe ba

A wani labari makamancin wannan, jama'a sun cika da mamaki bayan bayyanar bidiyon wani matashi yana tafiya kan kwai kamar almara ba tare da ya fashe ba.

Asali: Legit.ng