Tinubu Ya Dawo Najeriya Gabanin Rantsar da Shi a Ranar 29 Ga Watan Mayu

• Zababben shugaban kasan a Najeriya, Bola Ahmad Tinubu ya dawo Najeriya bayan shafe kwanaki da yawa a kasar Faransa
• ‘Yan Najeriya sun yi martani mai daukar hankali game da dawowar Tinubu, inda wasu ke bayyana jin dadi, wasu kuma ke bayyana shakku
• A baya, sanata a Najeriya ya bayyana cewa, lafiyar Bola Ahmad Tinu kalau, kawai ya tafi kasar waje ne domin ya hutawa ransa

FCT, Abuja - Kwanaki kasa da 35 kafin rantsar dashi a ranr 29 ga watan Mayu, zababben shugaban kasa ya dawo Najeriya a ranar Litinin 24 Afirilu, 2023 bayan shafe kusan wata guda yana hutawa a kasar Faransa.

Rahotanni a baya sun bayyana cewa, Tinubu ya bar Najeriya zuwa kasar Faransa a ranar 21 ga watan Maris, inda ya shirya kwamitin karbar mulki da zai yi a ranar 29 ga watan gobe.

Kara karanta wannan

Bayan Kwanaki 33 a Kasar Waje, An Sanar da Lokacin da Bola Tinubu Zai Dawo Najeriya

Da yake alanta dawowar Tinubu najeriya, shugaban fannin yada labarai na Tinubu, Bayo Onanuga ya rubuta a Twitter cewa:

“Jagaban ya sauka a Abuja!”

Kalli hotunan:

Martanin ‘yan Najeriya

A bangare guda, ‘yan Najeriya da yawa sun yi martani bayan ganin hotunan Tinubu na sauka daga jirgin da ya dauko shi daga kasar waje. Ga kadan daga ciki:

@ImeAkan3:

“Yanzu ne lokacin da ya dace a kwamushe Jagaban.”

@Dreallandlord:

“Asiwaju Bola Ahmed Tinubu Jagaban duniya ya dawo.”

@bankanas66:

“Shugaban kasa na ya dawo, Asiwaju ya dawo, Akanbi Tinubu ya dawo.”

@emeokine:

“Mr. Annansa. Ina fatan bai dawo don ya koma ba bayan an rantsar dashi sannan yace mana ya tafi hutawa.”

@dele_ayeni:

“Na kagu na ji bayanansa da zai yiwa manema labarai.”

@aadekunle1234:

“JAGABAN, barka da dawowa yallabai.”

@goksie:

“Barka da dawowa shugaban shugabanni. Zababben shugaban kasan Najeriya.”

Kara karanta wannan

Yakin Sudan: Peter Obi Ya Yi Tuni 1 Mai Muhimmanci Ga Shugaba Buhari

Lafiyar Tinubu lau, a daina yada jita-jita

A wani labarin kuma, daya daga cikin sanatocin jam’iyyar APC ya bayyana cewa, lafiyar Bola Ahmad Tinubu kalau, kawai ya je kasar waje don ya huta ne.

Wannan na fitowa ne daga bakin sanata Orji Uzor Kalu, inda ya bayyana gaskiyar yanayin da Bola Ahmad Tinubu ke ciki na yawon hutu a kasashen waje.

‘Yan Najeriya a baya, musamman ‘yan jam’iyyar adawa sun yada jita-jitan cewa, Tinubu ya tafi kasar waje ne domin yin jinyar rashin lafiyan da yake fama dashi.

Asali: Legit.ng