Kungiyar Matan Musulmi Sun Koka Kan Yawan Mace-Macen Aure a Arewa
- Kungiyar matan musulmi ta magantu a kan yawaitar mace-macen aure tsakanin al'ummar arewa
- An daura alhakin yawan mutuwar aure da ake samu kan iyaye domin yawanci basa bin koyarwar Allah wajen bayar da auren 'ya'yansu
- Malama Khadija Ahmed ta shawarci ma'aurata da su daina son kai kuma su zamo masu hakuri da yafiya idan suna so aurensu ya yi karko
Wata kungiyar matan Musulmi mai suna 'Sisters of Jannah' ta nuna matukar damuwa kan yawan mace-macen aure a tsakanin ma'aurata a yankin arewacin Najeriya.
Kungiyar ta nuna damuwarta ne a wajen taronta na Ramadan wanda ta shirya a karo na biyu a jihar Bauchi inda ta tattauna babban batu na mutuwar aure a gidajen Musulmi.
Babbar bakuwa a taron, Malama Khadija Ahmed, ta koka cewa yawancin iyaye su kan yi watsi da koyarwar Al'qur'ani mai girma wajen bayar da auren 'ya'yansu, Daily Trust ta rahoto.
Asali: Twitter
Shawarar malamar ga ma'aurata
Malamar ta shawarci ma'aurata da su ajiye son zuciya, son kai, izza sannan su dunga hakuri, yafiya da magance banbancinsu da hankali, adalci da soyayyar juna.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
A nashi bangaren, Malam Muhammad Suhailu Lawal ya ce hakuri da yafiya, da wadannan dabi'un da ake nunawa makwabta suna nuni ne ga kyawawan dabi'u wajen bautar Allah daya.
Malamin ya kuma shawarci makwabta da su zamo masu kirki, taimako da baiwa makwabtansu kyauta.
Jagorar kungiyar, Hajiya Maryam Garba Bagel, ta shawarci ma'aurata da kada su zamo masu son kai illa su zamo masu adalci da gaskiya don gina gidan aure mai inganci.
Shehin malami ya koka kan yawan mace-macen aure tsakanin matasa
A wani lamari makamancin wannan, Shehin malamin nan na kotun Abuja, Sheikh Ayuba Abubakar ya nuna rashin jin dadinsa kan yawan mace-macen aure da ke kara kamari a tsakanin matasa.
Malamin ya nuna takaicinsa ne yayin da yake jawabi a taron shekara-shekara da Afemai Islamic Movement in Abuja ta shirya, yana mai cewa iyaye basa kiyaye dokokin Al-Qur'ani mai girma wajen bayar da auren yaransu.
A wani labarin kuma, jarumar Kannywood, Rakiya Moussa ta bayyana irin soyayyar da take yi wa wani mawaki amma shi bai damu da lamarinta ba.
Asali: Legit.ng
