Magoya Bayan PDP Da Dama Sun Mutu Sakamakon Hatsarin Mota A Shahararriyar Jihar Arewa

• Wasu magoya bayan jam'iyyar PDP sun rasu sakamakon hatsarin mota a ranar Asabar
• Rahotanni sun bayyana cewa sun bayyana cewa lamarin ya faru a kusa da gadar Panyam
• Tawagar yakin neman zaben dan takarar gwamnan Plateau ta tabbatar da afkuwar lamarin, ta yi ta'aziyya

Plateau - Magoya bayan jam'iyyar Peoples Democratic Party, PDP, a jihar Plateau da dama sun rasu biyo bayan hatsarin mota da ya faru a karamar hukumar Mangu, rahoton The Sun.

An gano cewa magoya bayan suna hanyarsu na dawowa Jos ne daga wata ralli da aka yi a karamar hukumar Pankshin a lokacin da babban mota ta yi karo da su a Panyam.

Kara karanta wannan

Direbobin Manyan Motocci Da Suke Katse Hanyar Kaduna Zuwa Kano Sun Janye Motoccinsu Bayan Awa 48

Wani mazaunin garin Panyam, Joy Stephen, wanda ganau ne ya shaidawa The Punch a ranar Asabar cewa mutane da dama sun mutu nan take yayin da wasu sun jikkata.

Stephen ya ce:

"Misalin karfe 4.30 na yamma ne hatsarin ya faru.

"Babban motan na dauke da yara maza da mata, suna hanyar zuwa Jos. Wadanda ke ciki magoya bayan PDP ne da ke dawowa daga ralli a Pankshin.

"Amma, lokacin da suka kusa da wani gadi a Panyam, ban san abin da ya faru ba amma motar ta fadi ta kashe wasu yayin da wasu suka jikkata. An kwace wadanda abin ya faru da su zuwa asibiti a lokacin da muka isa wurin.

"Hadarin abin bakin ciki ne domin an yi taron siyasan lafiya kalau."

Jam'iyyar PDP ta tabbatar da afkuwar lamarin

Wani sanarwa daga tawagar watsa labarai na dan takarar gwamna na PDP, mai dauke da sa hannun Manga Wamyil, da aka fitar a yammacin ranar Asabar ta tabbatar da afkuwar hatsarin.

Kara karanta wannan

Karin Bayani: Yan Bindiga Sun Kutsa Dakin Otel Sun Sace DPO A Wata Shaharariyar Jihar Arewa

Wani sashi na sanarwar ta ce:

"Cike da bakin ciki, wani babban mota dauke da wasu magoya bayan PDP daga cikin magoya bayan dan takarar gwamna daga ralli na central zone, jihar Plateau, Pankshin, sun yi hatsari a yammaci kusa da kauyen Jwak, kafin gadan Panyam, karamar hukumar Mangu.

"Mafi yawancin magoya bayan wadanda matasa ne, sun samu rauni daban-daban, yayin da wasu sun rasa rayyukansu.

"Allah ya jikansu da rahama."

Babban Jigon Jam'iyyar PDP Ya Rasu A Jihar Delta A Hanyar Zuwa Kamfen

A wani rahoto, Cif Joe Unuame, jigon jam'iyyar PDP a jihar Delta da direbansa sun rasu a hatsarin mota.

Rahoton jaridar Tribune ta rahoto cewa hatsarin ya faru ne tsakanin motar Jeep ta jigon da wata babban motar dakon fetur a Umeh hanyar Ughelli zuwa Patani.

Asali: Legit.ng