Kasuwar Crypto Ta Shiga Tasku a 2022, Bitcoin Ya Karye da 60% a Cikin Watanni 12
- ‘Yan crypto sun sha wahala a shekarar 2022 da ta gabata, domin kuwa sun ga bacin rana da karayar farashin kaya a shekarar
- Bayanai sun nuna cewa, sama da kaso 60% ne na darajar Bitcoin ya wanke tare da asarar $2.1tr a cikin shekarar
- Wannan kuwa, ana kyautata zaton ya faru ne sakamakon alamomin tambayoyi da suka dinga tasowa daga duniyar crypto
Kasuwar Bitcoin ta sha fama a 2022 tare da ganin rugujewar farashin kaya da kuma karyewar kamfanin hada-hadarsa na FTX, wanda a yanzu ya karye kalat dakudaden jama’a.
Rahoton CNBC ya bayana cewa, akalla $2.1trn(N940.96trn) aka rasa a kasuwar crypto baki daya a duniya.
Hada-hadar crypto dai sananniyar aba ce da ba ta da tabbas kan hawa da saukar farashi, wannan yasa ake samun riba mai yawa ko asara mai tsanani.
Asali: Facebook
Saboda haka, masana harkar kasuwanci da kudade suka ba da shawarin nesantar zuba makudan kudade a ciki tukuna, kasancewar faduwar ka iya ninka ribar da za a girba.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Sai dai, ba kowa ne ya hango karywar kudaden crypto ba, musamman Bitcoin a bara kasancewarsa kudin intanet da aka fi sani.
Bayanai daga Coinmarketcap ya nuna cewa, farashin Bitcoin ya fara ne daga $47,680.93($47.6m), amma ta kare a $16,625.69($16.6m) a ranar 31 ga watan Disamban bara.
Jerin kudaden crypto da suka sha fama, suka karye a 2022
A kasa mun tattaro muku jerin fitattun kudaden intanet da suka samu sauyi a 2022, ga su kamar haka:
- Terra: -100%
- Solana: -93%
- AMP: -93%
- Cardano: -80%
- Ether: -67%
- Bitcoin: -63%
- Dogecoin: -55%
Me ake tsammanta a bana; 2023?
Karyewar kamfanin crypto na FTX mai darajar $32bn ya girgiza ‘yan crypto a duniya, kuma hakan na ci gaba da bayyana tasiri a kasuwar.
Ana tsammanin masu ‘yan crypto za su ci gaba da yin kaffa-kaffa da zuba jari a watannin uku na farkon 2023 ko ma fiye da haka har sai an samu wasu hanyoyi da ka’idojin kare hannayen jarin crypto a kasuwannin duniya.
Asali: Legit.ng
