Bidiyon Yadda Wani Mutum Ya Yanke Jiki Ya Fadi Sumamme Bayan Ya Rasa N200k Da Ya Ranta A Wajen Buga Caca

• Wani mutum ya hadu da bacin rana inda ya yi asarar zunzurutun kudi har N200,000 a wajen buga caca
• Mutumin ya yanke jiki ya fadi sumamme a bakin shagon gidan cacan domin dai rancen kudin ya yi kuma gaba daya ya rasa su
• Jama'a a shafukan soshiyal midiya sun tofa albarkacin bakunansu, inda wasu suka dunga zolayar mutumin

Wani mutumi ya yanke jiki ya fadi sumamme bayan ya ari makudan kudade don buga caca.

An tattaro cewa mutumin ya ari kudi N200,000 sannan ya yi amfani da shi wajen buga caca, amma abun bakin ciki sai ya sha kaye inda ya rasa komai.

Wani bidiyo da ya yadu a shafukan soshiyal midiya ya nuno mutumin kwance magashiyan a kasa a kofar shagon buga cacan bayan asarar da ya yi.

Kara karanta wannan

Majalisar Tarayya Ta Bayyana Abin da Zai Hana a Tunbuke Buhari Daga Karagar Mulki

Kalli bidiyon a kasa:

Karanta martanin mutane a kasa

gabrielpeter805 ya rubuta:

“Wa ya kara wannan wakar, kwata kwata wannan mutumin ba zai ji kamshin lahira ba balle har ya shiga.”

jamoblaq77 ya ce:

“Zai tashi anjima ku kyale shi watakila ya zata mafarki yake yi”

__h.o.I.u.w.a_s.e.u.n_ ya ce:

“Su mayar mai da 50k don ya sake buga wani”

Matashi Mai Kafa Daya Wanda Ke Aiki A Wajen Gini Ya Samu Tallafin Karatu A Turai

A wani labari na daban, cocin Omega Power Ministries (OPM) ya sake ceto wani matashi mai fama da nakasa sannan ya sanya farin ciki a zuciyarsa ta hanyar bashi tallafin karatu a kasar waje.

Bidiyon wani matashi mai kafa daya yana aiki a wajen gini ya yadu a shafukan soshiyal midiya kuma hakan ya burge mutane da dama.

Kara karanta wannan

Tsohon Sanata yayi Gargadi Kan Tunbuke Shugaban kasa, Ya Hango Abin da Zai faru

Daya daga cikin wadanda bidiyon ya burge shine shugaban OPM Apostle Chibuzor Gift Chinyere wanda ya bayar da cigiyar mutum ya kuma gano shi.

Asali: Legit.ng