An Gurfanar Da wani Likitan Birtaniya Da Laifin Hada Baki Da Ekweremadu Kan Girbin Koda

• An gurfanar da wani likita mai suna Obinna Obeta da laifin hada kai da Senata Ike Ekweremadu da shirin girbin koda wani yaro
• Ekwerenmadu da Matar sa sun ya shirya cire kodar David domin a ba wa diyarsu da take fama da ciwon koda
• David ya ki amincewa a cire kodar sa bayan da aka yi masa gwaje-gwaje a asibitin kyauta na Royal da ke Hampstead

Birnin Landan - Wani Likitan da ke birnin Landan ya hada kai da Sanata Ike Ekweremadu da matarsa, Beatrice, a Burtaniya da shirin girban kodar wani dan Najeriya mara galihu.

Obinna Obeta, mai shekaru 50, dake zama a Landan, ya bayyana a kotun Majistare ta Bexley a ranar 13 ga watan Yuli, bisa zargin hada baki da Ekweremadus don shirya tafiyar Ukpo Nwamini David mai shekaru 21 daga Najeriya zuwa Birtaniya.

Kara karanta wannan

Babu boye-boye: ‘Dan takaran Shugaban kasa ya Jero Duk Abin da ya Mallaka a Duniya

Ana zargin Obeta da hada baki da tsohon mataimakin shugaban majalisar dattawan Najeriya da kawo David Burtaniya da nufin girbin sassan jikin sa.

Zargin ya zo ne a karkashin dokar bautar zamani, a cewar jaridar The Mail of London.

Masu gabatar da kara sun ce Ekweremadus ya shirya cire kodar David domin a bai wa diyarsu mai fama da ciwon koda.

An ce David ya ki amincewa da aikin ne bayan da aka yi masa gwaje-gwaje a asibitin kyauta na Royal da ke Hampstead, a London.

Masu gabatar da kara na kuma zargin Ekweremadus da daukar David a matsayin bawa kafin ya tsere ya tafi ofishin 'yan sanda na Staines da ke Surrey.

Hukumar Lafiya Ta Duniya, WHO, Ta Ayyana Kyandar Biri a Matsayin Wanda Ke Bukatar Daukin Gaggawa a Duniya

Kara karanta wannan

Biki Ake Na Manya: Bidiyoyi Daga Shagalin Bikin Fatima Shettima Da Angonta Sadiq Bunu

A wani labari kuma, Hukumar Lafiya ta Duniya, WHO, a ranar Asabar ta bayyana cutar Kyandar Biri a matsayin wanda ke bukatar daukin gaggawa a duniya, rahoton The Punch.

Hukumar lafiyar ta Duniya ta ce ta dauki mataki mafi karfi kan cutar da ke yaduwa, hakan yasa kwayar cutar ta zama abin da ke bukatar gaggawa a kasashen duniya.

Asali: Legit.ng