Wata miyar sai a makwabta: Hotunan 'dan gwamna ya kammala digirinsa a London

• Muhammad Badaru, 'dan gwamnan jihar Jigawa, Badaru Muhammad, ya kammala digirinsa a jami'ar London
• Kamar yadda hotunan matashi Muhammad suka nuna, ya kammala ne a jami'ar Brunel inda 'yan uwansa suka garzaya har birnin taya shi murna
• Wannan na zuwa ne bayan kwanaki kadan da 'dan gwamnan Ribas, Nyesom Wike, ya kammala nasa digirin a Ingila

Hotunan Muhammad Badaru, 'dan gwamnan jihar Jigawa yayin da ya kammala digirinsa a jami'ar London sun yadu.

Matashi Muhammad ya kammala digirinsa ne a jami'ar Brunel dake birnin London.

A kyawawan hotunan, Muhammad ya bayyana da rigar shagalin bikin kammala digiri na jami'ar inda yayi shigar alfarma a ciki.

Kara karanta wannan

Kyawawan hotunan gwamnan Zamfara da zuka-zukan 'ya'yansa mata 14 reras

A daya daga cikin hotunan, ya bayyana tare da mahaifiyarsa wacce ta kasa boye tsabar farin cikin da take ciki na ganin wannan ranar.

Wani hoton kuwa, ya nuna Muhammad tare da 'yan uwansa suna taya shi murnar nasarar da ya samu.

Kammala karatunsa ya zo ne bayan kwanaki kadan da 'dan gwamnan jihar Ribas, Nyesom Wike, ya kammala digirinsa daga wata jami'ar Ingila.

Dukkan wannan na zuwa ne bayan watanni biyar da malaman jami'o'i suka tsunduma yajin aiki wanda babu ranara dawowar shi saboda rashin daidaito tsakaninsu da gwamnatin tarayya.

Ga kyawawan hotunan:

Kyawawan hotunan gwamnan Zamfara da zuka-zukan 'ya'yansa mata 14 reras

A wani labari na daban, hotunan wankan sallar Gwamnan jihar Zamfara, Bello Muhammad Matawalle tare da iyalinsa sun matukar birge jama'a. A wannan hotunan, gwamnan ne tsaye tareda dukkan 'ya'yansa mata 14 reras gwanin sha'awa.

Kara karanta wannan

Wankan sallah: Hadadden hoton gwamnan Zamfara, Bello Matawalle da yaransa maza

A shekarar 2019, gwamnan jihar Zamfara ya aurar da diyarsa mace daya mai suna Rukayya Gwamna Matawalle ya mallaki matan aure hudu, akwai Aisha uwargidansa, Bilkisu ce ta biyu, Fatima ta uku yayin da Dadiya ta kasance amarya.

Asali: Legit.ng