Saura kiris a yi garkuwa da gawar Deleget din Jigawa da ya mutu a taron APC
- Yan bindiga sun sake tare babban titin Abuja zuwa Kaduna ranar Talata don garkuwa da matafiya
- Daga cikin wadanda ya kusa rutsawa da su akwai wadanda suke tafiyar da gawar Deleget din da ya rasu a taron APC
- Daga baya sai da suka canza hanya suka koma ta Nasarawa zuwa Plateau zuwa Bauchi sannan zuwa Jigawa
An yi yunkurin awon gaba da gawar Isah Baba-Buji, deleget din jihar Jigawan da ya mutu wajen zaben fidda gwanin yan takaran kujeran shugaban kasa All Progressives Congress (APC) a Abuja.
Premium Times ta ruwaito cewa an yi kokari sace gawar ne yayinda take hanyarta zuwa Jigawa don jana'iza.
Marigayin ya kasance mataimakin shugaban jam'iyyar APC na yankin Arewa maso yamma.
Jami'in karamar hukumar Buji, Ali Safiyanu, ya bayyana cewa wasu yan bindiga sun taresu a hanyar Abuja-Kaduna.
Yace hakan ya tilasta musu juyawa suka koma Abuja da wuri.
Yace:
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
"Sun koma Abuja kuma nan suka kwana, washe gari suka bi ta Nasarawa-Plateau-Bauchi, sannan suka isa Jigawa daren Laraba."
"An birneshi da daren Laraba a karamar hukumar Birnin Kudu."
Asali: UGC
Deliget din Jigawa ya yanki jiki, ya fadi matacce
Kun ji cewa Alhaji Isah Baba Buji ya rasu yayin da yake wurin taron zaben fidda gwani na shugaban kasa na jam'iyyar a Abuja.
Ya fadi ya mutu ne sakamakon bugun zuciya a safiyar ranar Talata a ofishin hulda da jama’a na jihar Jigawa da ke Abuja.
An ce ya fadi ne a lokacin da yake shirin zuwa dandalin Eagle Square, inda za a yi zaben fidda gwani tare da wasu wakilai daga jihar.
Ya mutu ya bar mata biyu da 'yaya 16.
Asali: Legit.ng
