Hotunan Babura 2,228 da Gwamnatin Legas ta ragargaza yau Juma'a

Legas - Gwamnatin jihar Legas ta fara shirin ragargaza babura Oada kuda 2,228 da aka damke sun saba dokokin da ta santa na haramta aikin Acaba a jihar.

Gwamnatin ta lashi takobin cigaba da damke duk wanda yana tuka babur na haya a kanana hukumomi shida dake jihar da aka haramta aikin.

Kalli hotunan:

Yawancin matukan babur na Okada yan ta'adda ne, kwamishanan yan sandan jihar Legas

Kwamishanan yan sandan jihar Legas, Abiodun Alabi, ya bayyana cewa yawancin matasa masu aikin tuka babur a jihar Legas yan ta'adda ne masu aikata laifuka a fadin jihar.

Kara karanta wannan

Zambar N6.3bn: EFCC Ta Kammala Gabatar Da Shaidu A Shari'ar Jonah Jang, hukunci ya rage

Gwamnan jihar Legas, Babajide Sanwo-Olu, ya sanar da haramta tukin babur a kananan hukumomi shida a ranar Laraba.

Yayin hira a shirin Sunrise Daily na tashar ChannelsTV ranar Alhamis, Kwamishanan Alabi ya bayyana cewa an kwace lasisin yan babur da yawa bayan tattaunawa da masu ruwa da tsaki a jihar.

Yan kasar Nijar, da wasu yan bakin haure ke aikin Okada a Legas, Kwamishanan yan sanda

Kwamishanan yan sandan jihar Legas, Abiodun Alabi, ya bayyana cewa hukumar za tayi fito-na-fito da yan bakin haure dake zuwa jihar aikin babur.

Alabi ya bayyana hakan ranar Juma'a yayin hira da kamfanin dillancin labarai (NAN) a Legas.

Ya ce hukumar na sane da wasu yan bakin haure dake aikin Okada a jihar kuma zasu damke su.

NAN ya ruwaito cewa mafi akasarin masu aiki da babur a Legas ya kasashe mau makwabtaka da Najeriya ne.

Cikinsu akwai yan kasar Nijar, Togo, Kotono da Chadi.

Asali: Legit.ng