Ya kamata ko wani namiji yayi jima'i akalla sau 21 a wata, Sabon Bincike

• Masana sun yi alhinin yawaitar cutar dajin mafitsara cikin mazaje masu shekaru 40 da abinda yayi sama
• Bincike na gudana kan yadda za'a magance wannan cutar cikin mazaje masu yawan shekaru
• Binciken Jami'ar Harvard ya alakanta yawan yin jima'i da raguwar kamuwa da cutar

Wani sabon bincike ya nuna cewa ya kamata kowani namiji yayi inzali akalla sau 21 a wata domin kariya daga cutar dajin mafitsara da ke yawaita cikin maza.

A cewar masu bincike a Jami'ar Harvard dake Amurka, an gudanar da wannan bincike ne kan maza 31,925.

Binciken wanda aka wallafa a mujallar Ilimi ta European Urology, mazaje 31,925 sun bayyana adadin lokutan da suke inzali a wata.

Daga wannan bincike, masanan sun gano cewa yawan inzali na rage yiwuwar kamuwa da cutar dajin mafitsara da kashi uku.

Kara karanta wannan

Rikici: An farmaki hadimin Ganduje a Kano, ya ce 'yan Kwankwasiyya ne suka sace wayarsa

Mawallafan suka ce:

"Mun yi bincike kan shin yawan inzali lokacin da mutum ke girma na da alaka da kamuwa da cutar daji cikin mazaje a Amurka."

"Mun gano cewa akwai raguwar yiwuwar kamuwa da cutar 'Kansa' cikin mazajen da suka fada mana suna inzali sosai lokacin da suke girma fiye da wadanda ba suyi sosai."

Asali: Legit.ng