Sheikh Guruntum Ya Gina Katafaren Masallaci, Jama'a Sun Cika wajen Bude Shi

• Sheikh Ahmad Tijjani Yusuf Gurumtum ya bude sabon masallacinsa da aka fi sani da Masjidud Da’awah a Bauchi
• An yi taron bude masallacin a ranar Juma’a, 28 ga Fabrairu, 2025, daga karfe 3:30 na rana zuwa 8:00 na dare
• Manyan malamai sun gabatar da karatuttuka yayin bikin bude masallacin domin taya Sheikh Guruntum murna

Editan Legit Hausa Ibrahim Yusuf yana da gogewar aikin jarida da rubuce-rubucen adabi sama da shekaru hudu, kuma kwararre ne a kawo rahotannin kasuwanci, siyasa da lamuran yau da kullum.

Jihar Bauchi - A wani muhimmin mataki da zai kara bunkasa harkokin addini a Bauchi, Sheikh Ahmad Tijjani Yusuf Gurumtum ya kammala sabon masallacinsa, Masjidud Da’awah.

Legit Hausa ta tattaro cewa an shirya gudanar da bikin bude wannan masallaci a ranar Juma’a, 28 ga Fabrairu, 2025, daga karfe 3:30 na rana zuwa 8:00 na dare.

An wallafa yadda taron bude masallacin ya gudana a shafin malamin na Facebook da yadda aka gudanar da wa'azi yayin bikin.

Kara karanta wannan

Bayan fara binciken zabtare albashi: Abba ya dakatar da shugaban ma'aikatan Kano

An shirya taron ne domin kaddamar da masallacin da kuma gudanar da addu’o’i tare da karatuttukan manyan malamai daga sassa daban-daban.

Muhimmancin sabon masallacin ga al’umma

An ruwaito cewa Masjidud Da’awah na daga cikin muhimman wuraren ibada da aka gina domin ci gaban ilimin addini da tarbiyyar al’umma.

Ana hasashen cewa masallacin zai zama cibiyar koyar da Alƙur’ani mai girma, tafsiri da sauran ilimin addinin musulunci.

Haka kuma, za a gudanar da wa’azozin da za su taimaka wajen karfafa zumunci da inganta rayuwar addini a cikin jama’a.

An taya Sheikh Gurumtum murnar sabon masallaci

Bayan kammala ginin masallacin, dalibai da magoya bayan Malam Ahmad Tijjani Yusuf Gurumtum sun taya shi murna.

Wani dalibi ya wallafa cewa:

"Muna taya babanmu kuma malaminmu, Sheikh Ahmad Tijjani Yusuf Gurumtum, murna bisa wannan gagarumar nasara. Muna addu’a Allah ya kara masa lafiya da nisan kwana."

Haka kuma, wasu fitattun malamai sun yi addu’a cewa Allah ya sanya albarka a sabon masallacin, tare da fatan zai zama mafitar alheri ga al’ummar Bauchi da ma Najeriya gaba daya.

Kara karanta wannan

Tinubu ya yi magana kan saukar farashin abinci, ya yi alkawarin karin sauki

Gayyata zuwa taron bude masallaci a Bauchi

A yayin da ake shirin kaddamar da masallacin, an gayyaci al’ummar Musulmi daga sassa daban-daban domin halartar wannan muhimmin taro.

A cewar sanarwar da aka fitar, an samu manyan malamai da suka gabatar da karatuttuka kan addini da rayuwa.

Bikin bude masallacin ya kasance wata dama ta haduwa da juna, yin addu’o’i, da kuma karfafa zumunci a tsakanin al’umma.

Tasirin masallacin ga ci gaban addini

Ana ginin Masjidud Da’awah zai taka muhimmiyar rawa wajen yada ilimin addini da hada kan jama’a a Bauchi da kewaye.

Masana sun bayyana cewa bude irin wadannan wuraren ibada yana taimakawa wajen rage rashin ilimin addini da kuma fadakar da matasa kan darajar zaman lafiya da hadin kai.

Ana sa ran cewa masallacin zai zama cibiyar koyarwa da wa’azi, tare da karfafawa jama’a gwiwa wajen tsayawa da darajar addinin Musulunci.

Kara karanta wannan

Yaki da zaman kashe wando: Sanata Goje ya raba miliyoyi da kayayyaki

Sheikh Bala Lau ya bude masallaci a Kano

A wani rahoton, kun ji cewa shugaban kungiyar Izala, Sheikh Abdullahi Bala Lau ya halarci bude sabon masallaci a jihar Kano.

Legit ta rahoto cewa wani dan majalisar tarayya ne ya gina katafaren masallacin kuma manyan malamai sun halarci bude shi.

Muhammad Malumfashi, babban edita a sashen Hausa na Legit ya duba labarin.

Asali: Legit.ng