Jerin Shugabanin Kasashen Duniya Da Suka Fi Tsofa a Kafin Sauka Mulki
Shugaban ƙasa, Muhammadu Buhari ya cika shekaru 80 cif a duniya ranar Asabar 17 ga watan Disamba, 2022, ana ganin yana cikin shugabannin da suka fi tsufa lokacin suna kan mulki.
Aminiya Hausa ta tattaro cewa a halin yanzun shugaba Buhari, wanda aka zaɓa ya hau karagar mulki a 2015, ya zama shugaban kasa ma fi tsufa a kan kujera lamba ɗaya a Najeriya.
Asali: UGC
Sakamakon haka ne Legit.ng ta haɗa muku shugabanni biyar waɗanda suka fi tsufa a zamanin mulkinsu a wasu ƙasahen duniya.
1. Tsohon shugaban ƙasar Malawi, Hasting Banda
Hastings Banda, shi ne shugaban kasa na farko a ƙasar Malawi, ya gama wa'adin mulkinsa yana da shekaru 96. An haife shi a 1898 kuma ya yi mulki na shawon shekara 27.
DUBA: Bibiyemu a Instagram don samun labarai masu muhimmanci kai tsaye cikin manhajar
Banda ya sauka daga kan kujerar mulki a 1994 yana da shekaru 96 kuma ya kwanta dama a 1997.
2. Robert Mogabe na kasar Zimbabwi
Mogabe wanda ya sauka daga kujerar shugaban kasan Zimbabwe a 2017 yana da shekaru 93 a duniya ya rasu a shekarar 2019.
Ya kasance shugaban kasa ma fi daɗewa a tarin ƙasar Zimbabwe kuma saukarsa daga mulki ta zo cikin ruɗani.
Wasu bayanai sun nuna cewa juyin mulki aka masa amma Kotun Ƙoli tace shi da kansa ya yi murabus.
3. Beji Caid Essebsi na ƙasar Tunusiya
Shugaba Beji Caid Essebsi (1926–2019) na ƙasar Tunusiya ya jagoranci ƙasar daga 2014 zuwa lokacin rasuwarsa a 2019 yana mai shekaru 92 da watanni 9 a duniya.
Essebsi, wanda ya yi murabus daga matsayin Firaminista a shekarar 2011 bayan guguwar sauyi da kuma zaɓen da aka gudanar.
4. Shimon Peres na Isra'ila
Shimon Peres, tsohon shugaban Isra'ila na Tara a tarihi daga 2007 zuwa 2014 ya gama mulki yana da shekara 90 da watanni 11.
Peres (1923-2016), ya rike mukamain Firaminista sau biyu da Ministan harkokin waje sau uku, lokacin da ya sauka daga mulki a matsayin shugaba ma fi tsufa a duniya.
5. Joaquin Balaguer na Dominican
Tsohon Shugaban Kasar Jamhuriyar Dominican, Joaquin Balaguer, ya yi mulki karo biyu kuma a lokuta daban-daban (1960-1962 da kuma 1986-1996).
Ya sauka daga mulki yana da shekaru 89 da wata 11 a shekarar a 1996. Dukkanin waɗan nan da muka tattara muku sun girmi shugaba Buhari a zamanin da suke kan Mulki.
A wani labarin kuma Gwamnonin ci gaba na jam'iyyar APC sun taya shugaban ƙasa Buhari murnar cika shekara 80 a duniya ranar Asabar.
Gwamnonin APC sun tama Buhari murnar cika shekaru 80 a duniya, sun ce salon mulkinsa ka ƙayatar da 'yan Najeriya. Gwamnonin ta bakin Atiku Bagudu, sun faɗa wa shugaban irin tanadin da suke wa Bola Tinibu da sauran yan takarar APC a 2023.
Asali: Legit.ng
