Bidiyo: Gwamnatin Saudiyya Ta Damke Wanda Yaje Umrah Don Sarauniya Elizabeth

Bidiyo: Gwamnatin Saudiyya Ta Damke Wanda Yaje Umrah Don Sarauniya Elizabeth

  • Wani Balarabe ya shiga harami gabatar da aikin Umrah don marigayiya Sarauniya Elizabeth II
  • Jami'an tsaron Masallacin Harami sun cika hannu da shi kuma sunce zai gurfana gaban kuliya
  • Duk da cewa ya halasta ayi umrah don wani, hakan bai halasta ga wanda ba Musulmi ba

Hukumomi a kasar Saudiyya sun damke wani mutumi da yayi ikirarin ya yi tattaki zuwa Makkah don yin aikin Umrah a madadin marigayiya Sarauniya Elizabeth II.

Mutumin dan kasar Yemen, a ranar Litnin ya wallafa bidiyon kansa a soshiyal midiya yana filin Harami.

Rike da wata farar riga da rubutu a kanta, ya yi addu'an Allah a jikan Sarauniya Elizabeth.

A rubuce kan rigar:

"Ina Umrah don Saraunia Elizabeth II, muna rokon Allah ya karbeta cikin salihan bayi."

Kara karanta wannan

Adamawa: An biyashi N5000 da kwanon Shinkafa 4 don yayi kisan kai, ya kashe mutum 1, ya bar daya na jinya

Bidiyon ya yadu a kafafen sada zumuntan Saudiyya inda mabia Tuwita suka bukaci a damkesa.

DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka

Gwamnatin kasar Saudiyya ta haramta zanga-zanga ko rike hoton wani don kamfe a cikin Haramin Makkah.

Duk da cewa ya halasta ayi umrah don wani Musulmi da yai mutu, hakan bai halasta ga wanda ba Musulmi ba irin Sarauniyar Elizabeth.

Yemeini
Bidiyo: Gwamnatin Saudiyya Ta Damke Wanda Yaje Umrah Don Sarauniya Elizabeth Hoto: @Deccan_Cable
Asali: Twitter

An damkeshi

Jami'an tsaron Haramin Makkah sun damke mutumin wanda dan kasar Yemen ce, rahoton TRT.

Kafar yada labaran Saudiyya a ranar ta bayyana cewa:

"An damke wani dan kasar Yemen mazauni Saudiya wanda ya bayyana a bidiyo yana rike da tsumma cikin harami, hakan ya sabawa dokokin yin Umrah."
"An damkeshi kuma za'a wanzar da hukunci doka kansa."

Kalli bidiyon:

Sarauniyar Ingila, Elizabeth II Ta Rasu Tana da Shekaru 96

Kara karanta wannan

Sheikh Gumi: Buhari Baya Kaunar Najeriya Yadda Nake Sonta

Kun ji labarin rasuwar sarauniyar Ingila Elizabeth II bayan 'yar gajiriyar rashin lafiya da aka sanar ta yi ranar Alhamis 8 ga watan Satumba.

Rahotanni daga majiyoyi sun shaida cewa, masarautar Ingila ta tashi bakin labarin jirkicewar lafiyar sarauniya, lamarin da yasa likitoci ke kai komo a kanta.

A wata sanarwar da masarautar ta Ingila ta fitar, an sanar da rasuwar sarauniyar da yammacin Alhamis.

Asali: Legit.ng

Online view pixel